Updated … अमेरिकाको टेक्सास राज्यमा आएको भीषण बाढीका कारण ज्यान गुमाउनेको संख्या ४३ पुगेको छ। सीएनएनका अनुसार शुक्रबार बिहानदेखि लगातार परेको अविरल वर्षाले आएको विनाशकारी बाढीमा परी १८ जना वयस्क र ९ जना बालबालिकाको मृत्यु भएको पुष्टि भएको छ, र मृतक संख्या अझै बढ्न सक्ने अनुमान गरिएको छ।

टेक्सास मिलिटरी डिपार्टमेन्टका मेजर जनरल थोमस एम. सुएल्जरले शनिबार बिहानसम्म ८५० जनालाई सुरक्षित रूपमा उद्धार गरिएको जानकारी दिएका छन्। तीमध्ये धेरैजसोलाई हेलिकोप्टरमार्फत उद्धार गरिएको हो। अझै पनि केही व्यक्ति हराइरहेका हुनसक्ने आशंकाका कारण उद्धार कार्य निरन्तर जारी राखिएको अधिकारीहरूले जनाएका छन्।

बाढीको कारण टेक्सासका थुप्रै क्षेत्रमा आपतकालीन अवस्था घोषणा गरिएको छ। कैयौं सडक अवरुद्ध भएका छन् भने टेलिफोन सञ्जालसमेत पूर्णरूपमा बिच्छेद भएको बताइएको छ।

***

टेक्सासको केर काउन्टीमा आएको आकस्मिक बाढीका कारण कम्तीमा २४ जनाको मृत्यु भएको छ।  ग्वाडालुपे नदीको किनारमा रहेको एउटा क्रिस्चियन किशोरीहरूको ग्रीष्मकालीन क्याम्प पूर्णरूपमा ध्वस्त भएको छ, जहाँ करिब २० जना बालबालिका अझै बेपत्ता छन्। अमेरिकी राष्ट्रपति डोनाल्ड ट्रम्पले यस विपद्लाई “भयानक” र “आश्चर्यजनक” भन्दै दुःख व्यक्त गरेका छन्। टेक्सासका गभर्नर ग्रेग एबटले उद्धार कार्य जारी रहने बताएका छन् र समुदायसँग प्रार्थनाको अपिल गरेका छन्।   स्थानीय बासिन्दाहरू सामाजिक सञ्जालमार्फत आफ्ना हराइरहेका प्रियजनहरूको खोजी गरिरहेका छन्।

टेक्सासको केर काउन्टीमा आएको भीषण आकस्मिक बाढीका कारण कम्तीमा २४ जनाको मृत्यु भएको पुष्टि भएको छ। हरिस काउन्टीकी न्यायाधीश लिना हिडाल्गोका अनुसार ती मृतकमध्ये कम्तीमा पाँच जना ह्युस्टनका हुन्।

हालसम्म २३७ जनालाई उद्धार गरिएको वा सुरक्षित स्थानमा सारिएको छ, जसमा १६७ जनालाई हेलिकप्टरमार्फत उद्दार गरिएको हो। सात सयभन्दा बढी बालबालिका सहभागी भएको एक क्रिश्चियन ग्रीष्मकालीन क्याम्पमा सहभागी २३ देखि २५ जना किशोरी अझै बेपत्ता छन्। नेशनल वेदर सर्भिसका अनुसार भारी वर्षा र थप बाढीको खतरा कायमै रहेकाले केर्विल सिटी हलले नयाँ बाढी चेतावनी जारी गरेको छ।

अमेरिकी राष्ट्रपति डोनाल्ड ट्रम्पले यो बाढीलाई “आश्चर्यजनक” भन्दै गम्भीरता व्यक्त गरेका छन्। पहिलो महिला मेलानिया ट्रम्पले टेक्सासका अभिभावकप्रति “यो कठिन घडीमा मेरो समवेदना छ” भनेर सान्त्वना व्यक्त गरेकी छन्।

टेक्सासका गभर्नर ग्रेग एबटले बाढीलाई “असाधारण विपद्” भनेर वर्णन गर्दै आपतकालीन घोषणा पत्रमा हस्ताक्षर गरेका छन्, जसअनुसार उद्धारकर्मीहरूलाई आवश्यक सबै स्रोत र सहयोग उपलब्ध गराउन सकिनेछ।

केही काउन्टीहरूमा सडकहरू बगाएका छन्, फोन लाइनहरू अवरुद्ध छन् र आपतकालीन अवस्था घोषणा गरिएको छ।

टेक्सासमा आएको विनाशकारी आकस्मिक बाढीको प्रमुख कारण गल्फ अफ मेक्सिकोबाट आएको ट्रपिकल आर्द्रताले भरिएका भीषण गडगडाहटसहितका मेघगर्जनयुक्त वर्षा रहेका छन्।

यी तूफानी वर्षाहरू विस्तारै सर्ने भएकाले पानी एकै ठाउँमा अत्यधिक मात्रामा झरेको थियो।

टेक्सासका धेरै स्थानमा औसत २ इन्च (५० मिमी) वर्षा भएको भए पनि, केही स्थानहरूमा अत्यधिक १४.९८ इन्च (३८० मिमी) वर्षा भएको र यसले नदीहरू तुरुन्तै उफ्रिएर भयंकर आकस्मिक बाढी निम्त्याएको मौसमविद्हरूले बताएका छन्।

केर काउन्टीस्थित किशोरीहरूका लागि सञ्चालन हुने ‘हर्ट ओ’ द हिल्स’ क्याम्पका निर्देशक तथा सहमालिक जेन रैग्सडेलको “विनाशकारी बाढी” मा परेर निधन भएको क्याम्प प्रशासनले जानकारी दिएको छ।

क्याम्पको आधिकारिक वेबसाइटमा पोस्ट गरिएको एक वक्तव्यमा रैग्सडेललाई “क्याम्पको मुटु र आत्मा” भन्दै सम्झिएको छ र लेखिएको छ – “हामी एक यस्ती महिलाको निधनमा शोकमा छौं जसले अनगिन्ती जीवनमा प्रभाव पारेकी थिइन् र शक्ति र प्रेरणाको परिभाषा थिइन्।”

ग्वाडालुपे नदीको किनारमा रहेको यो क्याम्प बाढीको समयमा सञ्चालनमा थिएन, र त्यतिखेर क्याम्पमा रहेका अधिकांश व्यक्तिहरू सुरक्षित स्थानमा पुगेको जानकारी दिइएको छ।

जेन रैग्सडेलले क्याम्प जीवन क्याम्पर (बालक) रूपमा सुरु गरेकी थिइन् र पछि काउन्सलर बनेर सन् १९७६ मा क्याम्पको सहमालिक बनेकी थिइन्।