International Media & Entertainment House US  का लागि अमेरिकाबाट प्रकाशित हुने, अमेरिका र संसारभर रहेका नेपाली भाषी समुदायमा समर्पित, राजनीतिबाट पूर्ण अलग, स्वतन्त्र, नाफा नकमाउने र १७५ देशमा पढिने साझा डिजिटल पत्रिका नेपाल मदर डट कममा वरिष्ठ पत्रकार टङ्क पन्त अतिथि सम्पादकमा नियुक्त भएका छन् । अमेरिकाबाट प्रकाशित हुने नेपाल मदर डट कम (www.Nepalmother.com) मा पन्तले नेपालबाटै अतिथि सम्पादकका रूपमा आफ्नो भूमिका निर्वाह गर्ने छन्। हाल उनी अन्तर्राष्ट्रिय पत्रकार महासङ्घ अमेरिका (Federation of International Journalist, America – FIJA) को उपाध्यक्षको रूपमा पनि कार्यरत छन्।

नेपाल सरकार र युएनडिपिले एक हजार एक सय ड्लर सहित इण्टरनेशनल, त्यसै गरी एक लाखको रोटरी इण्टरनेशनल पुरस्कार , जनता प्रसारण तथा प्रकाशन लिमिटेडबाट सर्बोत्कृस्ट पुरस्कार , बरिस्ठ पत्रकार सम्मान , उत्कृष्ट पत्रकारिता पुरस्कार , गोबिन्द बियोगी पत्रकारिता पुरस्कार, शान्ति र द्वन्द्व ब्यबस्थापन पत्रकारिता पुरस्कार, नेपाल सरकारबाट प्रबल जनसेबाश्री पदक सम्मान, अन्य दुइ दर्जन बढि पुरस्कार र सम्मान प्राप्त टङ्क पन्त एक अनुभवी पत्रकार हुन्, जसले अनुसन्धानमूलक पत्रकारिता, मानव अधिकारको पक्षपोषण, र सञ्चार नेतृत्वमा तीन दशकभन्दा बढी समय बिताएका छन्। उनी शासकीय प्रणाली, सामाजिक न्याय, मानव अधिकार, शान्ति, द्वन्द्व, भ्रष्टाचार, महिला तथा बालबालिकाका अधिकारजस्ता विषयमा गहिरो रिपोर्टिङ गरिसकेका छन्।

टङ्क पन्त नेपालको छापा सञ्चार माध्यम देखि टेलिभिजन तथा रेडियो पत्रकारितामा तीन दशकभन्दा लामो समयसम्म क्रियाशील रहँदै आएका एक प्रतिष्ठित पत्रकार हुन्। अनुसन्धानमा आधारित उनको रिपोर्टिङ र अध्ययनले विशेष गरी मानव अधिकार, भ्रष्टाचार विरोधी अभियान र सामाजिक न्यायका क्षेत्रमा नेपालको सञ्चार क्षेत्रलाई उल्लेखनीय योगदान पुर्‍याएको छ। उनले राष्ट्रिय तथा अन्तर्राष्ट्रिय सञ्चार संस्थाहरूमा नेतृत्वदायी भूमिका निर्वाह गर्दै पत्रकारिताको मर्यादा र विश्वसनीयताप्रति आफ्नो प्रतिबद्धता देखाउँदै आएका  छन्।

उनी नेपाल समाचारपत्र लगायत देशका प्रमुख सञ्चार संस्थाहरूमा विभिन्न सम्पादकीय जिम्मेवारीमा रहिसकेका छन् भने जनता टेलिभिजन,  जनता प्रसारण तथा प्रकाशन लिमिटेडको समाचार निर्देशक , प्रधान सम्पादक , लेखन कुन्जका पनि सम्पादक रहेका छन् ।

International Media & Entertainment House US  का अध्यक्ष एवम् नेपाल मदर डट कम का प्रधान सम्पादक रामप्रसाद खनालले पन्तको नियुक्तिले नेपाल मदरले अर्को एउटा पत्रकारिता क्षेत्रको योद्धा पाएको भन्दै अतिथि सम्पादकमा नियुक्त पन्तलाई बधाई र शुभकामना व्यक्त गरेका छन्।