म त निर्धो पुलिस परें ! - विश्व पौडेल

दुख पर्दा तिमिलाई काँधमाथि बोकिरहेँ ,

महल भित्र सुताएर बाँहिर बुट ठोकिरहेँ

स्यालले जस्तै घेरहालि मेरो छाला लुछे पनि

म त निर्धो पुलिस परे घोप्टो परि खोकिरहेँ !!

तिम्रै लागि सडकमा खुन पसिना पोखिरहेँ

लोकतन्त्र गणतन्त्र जे सिकायौ घोकिरहेँ

दिनदहाडै सबैमाझ मुक्का लात्ती बर्साउदा

मैले गुँहार नपाएर आँफै जिब्रो टोकिरहे !

कहिले यता कहिले उता सबैतिर जोखिरहेँ,

सडकमा तिम्रो लागि सधै रगत पोखिरहेँ

गुनको पैचो बैगुनिले लात्ति बर्षाई तिर्दा पनि,

पश्च्यतापमा झर्ने आँसु परेलिमै रोकिरहेँ !

,,,,

म त निर्धो पुलिस परें , के चिच्याउनु खोकुला नि,

तिमिलाई दुख दिने बदमासलाई ठोकुला नि

पुलिसको खाँचो परे ढुक्क फेरि बोलाउनु,

आँमाले झै मुस्कुराउदै काधैमाथि बोकुला नि !!

बचरा छन् गुँडमा मेरा के चिच्याउ सुन्छन् फेरि,

पुलिसका नि जहान होलान् तिनि दुखि हुन्छन् फेरि

झुक्किएर आँफ्ना सन्तान भोलि पुलिस नबनाउ ल

तिनका पनि आँमा होलान् , छोरो कुट्दा रून्छन् फेरि !!

प्रतिक्रिया

कतार घुम्न अलग ट्रिप बनाउन पनि पर्दैन, ट्रान्जिटमा रहँदा पनि कतार घुमाउने ब्यबस्था !

रामप्रसाद खनालका गीत, गजल, कविता, भिडियोहरु र म्युजिक ट्र्याकका लागि माथि फोटोमा क्लिक गर्न सक्नुहुन्छ ।