प्रिय राष्ट्रपति ट्रम्प !
तपाईको कार्यकारी आदेश (Executive Order) द्वारा यएसआईडि (USAID) ले विश्वभरमा मानवीय सहायता, विकास, शान्ति, सशक्तिकरण र सुशासनका लागि सबै परियोजनाहरू र अनुदान ९० दिनका लागि बन्द मात्र गरिएको छैन, यसको वेबसाइट पनि बन्द गरिएको छ। यो हठाट खबर सुनेर म आश्चर्यचकित, स्तब्ध र दुःखित छु। USAID ले प्रदान गर्ने अनुदानमा भ्रष्टाचार गरिएकोछ भने सम्वन्धित देशका शासकहरूलाई भाटे कार्यवाही गरियोस् तर गरीव, निमुखा र निरिह नागरिकलाई बेसहारा बनाई नछाड्नू है राष्ट्रपति ट्रम्प। अझ सुन्दैछु, विश्वकै सबैभन्दा धनी ईलोन मस्क पनि USAID नै बन्द गर्ने पक्षमा छन् रे र तपाईले उनकै कुरा सुन्नु हुन्छ रे! विश्वका सयभन्दा बढी पछौट्याईएका देशहरूका अरवौं जनतालाई “अमेरिकी जनताको तर्फबाट (From the American People)” भनेर गरिएको गुनिलो सहायतालाई यसरी चटक्कै बन्द गर्दा कति मन रोला? कति भोकै बस्नु पर्ला? कतिको बिचल्ली होला? अमेरिकाले विश्वकै धनी र शक्तिशाली हुनुको नैतिक दायित्वबाट पन्छिन पनि त मिल्दैन नि राष्ट्रपति ट्रम्प। तपाई यति निष्ठुरी बन्नु होला भनेर मैले सोंचेकै थिएन। कति नेपाली अमेरिकनले तपाईलाई भोट दिएको यसरी निर्दयी बन्नुहोला भनेर हैन। म विनम्र अनुरोध गर्दछु- अमेरिकी जनताको तर्फबाट स्नेह, करूणा र मानवीयता देखाउनुहोस्। अन्त किन हेर्नु दृष्टान्त- तपाईकी अर्धांगिनी, हाम्री गौरवी फर्स्टलेडी मिलानिया नाउस ट्रम्प स्लोभेनियामा जन्मिनु भएको हो नि! तपाईको हजुर बुबा जर्मनीमा जन्मिनु भएको हो नि! उपराष्ट्रपति जेडि भान्सकि अर्धांगिनी, हाम्री गौरवी सेकेन्डलेडी उषा बाला चिलुकुरी भान्सका आमाबुबा भारत (ईण्डिया) मा जन्मिनु भएको हो नि! विश्वबाट अलग्गिएर त वर्वाद हुन्छ नि! ससुराली मुलुक स्लोभेनियालाई पनि मया गर्नु होला। तपाईले भनेको जस्तै Make America Great Again, अमेरिकालाई हामी सबै मिलेर अझ महान बनाऔं।

• Pradeep Pariyar Thapa