चैत्र ३१, आईतवार २०८१ / अनेसास फ्रान्स च्याप्टरको अध्यक्षमा प्रसान्त उप्रेती “भुइँमान्छे” चयन भएका छन् । हिजो भएको अनेसास केन्द्रको बैठक बाट अनेसास फ्रान्स च्याप्टर गठन प्रस्ताब सर्बसम्मतिले पारित गर्ने
निर्णय भएको हो। उप्रेती सहित १२ पदाधिकारी तथा सदस्यहरूको नव कार्यसमिति फ्रान्समा गठन भएको हो ।

नवकार्यसमितिमा अध्यक्षमा प्रसान्त उप्रेती “भुइँमान्छे”, वरिष्ठ उपाध्यक्षमा सुमित्रा बुर्लाकोटी , उपाध्यक्षमा आभाष आचार्य महासचिवमा भिम प्रसाद रिमाल “निश्चल “, सचिवमा मधुकर देवकोटा कोषाध्यक्षमा सुधाम्शु खनाल चयन भएका छन् भने कार्यसमिति सदस्यहरूमा कविन्द्र कायस्थ , सन्ध्या शर्मा ,सम्पूर्ण पाठक,केशव ढकाल ,ओम गौचन , श्रबण कुमार कौस्तुव , चयन भएका हुन् ।

२०२५-२०२७ का लागि भएको यस कार्यसमितिलाई अनेसास केन्द्रीय कार्यसमितिका सर्वज्ञ वाग्ले, दिल्ली अम्माई लगायतले बधाई तथा शुभकामना व्यक्त गरेका छन् ।
फ्रान्समा तेश्रो पुस्तालाई नेपाली भाषा संग जोड्ने अनि नेपाली संस्कृति ,परम्परा रितिरिवाज जगेर्ना गर्ने हेतुले संस्था स्थापना भएको जानकारी अनेसास फ्रान्स च्याप्टरका अध्यक्ष प्रसान्त उप्रेती “भुइँमान्छे” ले जानकारी गराउनु भयो।