पेशाले विश्व विद्यालयमा प्राध्यापन गर्दै गरेका राम प्रसाद ज्ञवाली नेपालका जाने मानेका कवि, साहित्यकार र लेखक पनि हुन । उनी मान्छे देख्दा मात्र राम्रा छैनन् उनको कलम त्यत्तिकै राम्रो छ । उनको कविता वाचन शैली त झन् के कुरा गर्नु । हामीले उनका कविताहरू उनलाई नै वाचन गर्न लगाएर एउटा उनको एकल कविता वाचन कार्यक्रम गर्ने पनि मन छ । भविष्यमा हामी त्यो पनि गर्ने छौँ । हुन त उनका यस्ता कविता धेरै छन्, लोकप्रिय पनि छन् तर नेपाल मदर डट कम लाई मन परेका उनका केही कविताहरू अहिले यहाँ प्रस्तुत गरिएको छ तपाईँहरूका लागि ।