हङकङको ताई पो क्षेत्रमा रहेको आवासीय भवनहरूमा लागेको भीषण आगलागीमा कम्तीमा १३ जनाको मृत्यु भएको छ भने १५ जना घाइते भएका छन्। वाङ फुक कोर्ट नामक विशाल आवासीय क्षेत्रमा फैलिएको आगो नियन्त्रण गर्न ७०० भन्दा बढी दमकलकर्मीहरू खटिएका छन्। करिब ४,६०० बासिन्दा बसोबास गर्ने यो क्षेत्रमा आगो झन् फैलिन नदिन प्रयास भइरहेको बताइएको छ।

घटनास्थलमा दशौँ दमकल सवारीसाधन परिचालन गरिएको छ र निरन्तर नयाँ सवारीहरू पुगिरहेका छन्। घटनास्थलबाट बीबीसी चिनियाँकी पत्रकार फोवे कोङले रिपोर्ट गर्दै वातावरण अत्यन्तै तनावपूर्ण रहेको जनाएकी छन्।

आगो निभाउने क्रममा ३७ वर्षका एक दमकलकर्मीको ज्यान गएपछि सरकार पक्षले उनलाई ‘समर्पित’ र ‘साहसी’ कर्मचारीका रूपमा सम्मान व्यक्त गरेको छ। भवनभित्र रहेका आफन्तहरूसँग सम्पर्क गर्न नसकेपछि स्थानीय बासिन्दाहरू स

हङकङको ताई पोस्थित वाङ फुक कोर्टमा पुगेको भीषण आगलागीले शहरका सुरक्षा अधिकारीदेखि सर्वसाधारण सबैलाई स्तब्ध बनाएको छ। बुधबार दिउँसो १४:५१ स्थानीय समयदेखि सुरु भएको यो आगो नियन्त्रणबाहिरै फैलिँदै जाँदा कम्तीमा १३ जनाको मृत्यु भएको छ भने धेरैजसो भवनहरू अझै बलिरहेका छन्। ३१ तले आठवटा टावर ब्लकमा बनेको यो आवासीय क्षेत्रमा करिब ४,६०० बासिन्दा बसोबास गर्छन्, जस मध्ये करिब ९५% सुरक्षित स्थलतर्फ सारिएको अधिकारीहरूले बताएका छन्।

हङकङका सुरक्षा सचिव टाङ पिङ–किउङले आगो निभाउने क्रममा ज्यान गुमाएका दमकलकर्मी हो वाइ–होप्रति आधिकारिक श्रद्धाञ्जली व्यक्त गरेका छन्। उनले उनको परिवारप्रति समवेदना जनाउँदै हो वाइ–होले सेवाका क्रममा प्राप्त चोटपटकका कारण प्रिन्स अफ वेल्स अस्पतालमा मृत्यु भएको पुष्टि गरे। उनले आगलागीमा ज्यान गुमाएका अन्य परिवारजनप्रति पनि दुःख व्यक्त गर्दै घाइतेहरूको शीघ्र स्वास्थ्यलाभको कामना गरे।

स्थानीय बासिन्दाहरू राति अबेरसम्म आगो रोकिएको नदेखिएपछि आपतकालीन सामग्री लिएर घटनास्थल पुगे। ताई पोका हो नामक एक युवाले आफ्ना साथीहरूसँग मिलेर दर्जनौँ कम्बल र हीट प्याक पीडितलाई वितरण गरे। उनीहरूका अनुसार “सरकार असक्षम छ” र यो विपत्तिले आफूहरूलाई “गहिरो पीडा” दिएको छ। उनीहरूको एक मात्र कामना—“अब थप ज्यान नजाओस् र सबै दमकलकर्मी सुरक्षित फर्कून्।”

बीबीसीका संवाददातासँग कुरा गर्दा एक युवती भवनतर्फ टोलाएर आफ्ना साथीहरू सुरक्षित बाहिर निस्केका हुन् कि भनेर प्रतीक्षा गरिरहेकी थिइन्। आगो अझै भीषण रूपमै देखिँदै थियो र सयौँ मानिसहरू मौन रुपमा टाढाबाट हेर्दै बसेका थिए।

यसैबीच चीनका राष्ट्रपति सी चिनफिङले वाङ फुक कोर्टको आगलागीमा ज्यान गुमाएकाहरूप्रति समवेदना व्यक्त गरेका छन्। हङकङमा चाँडै हुने विधायिका निर्वाचनका उम्मेदवार दलहरूले समेत आफूहरूको चुनावी प्रचार स्थगित गर्दै मृतकप्रति श्रद्धाञ्जली र प्रभावितप्रति ऐक्यबद्धता जनाएका छन्।

घटनास्थलका तस्बिरहरूले आपतकालीन अवस्थाको गम्भीरता प्रस्ट देखाउँछन्—सयौँ दमकलकर्मी, जलिरहेका भवनतर्फ अग्नि–नियन्त्रणका लागि भरखरै आइपुगेका सवारीहरू, आकाशतिरबाट छरिएका पानीका फोहरा र राजमार्गभरि लाइन लागेका एम्बुलेन्सहरू।

ताई पो जिल्ला परिषद्का सदस्यहरूका अनुसार सुरुमा स्थानीय कम्युनिटी हलमा दर्ता गर्न ल्याइएका बासिन्दाहरूलाई आगो नजिक भएकाले सम्भावित जोखिमबाट जोगाउन पछि फुंग ल्युंग किट मेमोरियल सेकेन्डरी स्कूलमा सारियो। पछिल्ला केही घण्टामा धेरै व्यक्तिहरूले आफन्तहरूसँग सम्पर्क हुन नसकेको भन्दै सहयोग मागेका छन्। कतिजना अझै भवनभित्र छन् भन्ने स्पष्ट तथ्यांक उपलब्ध छैन।

वाङ फुक कोर्टका ६६ वर्षिय बासिन्दा ह्यारी चेङले १४:४५ बजे ठूलो आवाज सुनेपछि झ्यालबाट हेर्दा छिमेकी ब्लकमा आगो देखिएको बताए। “केहि बुझिनँ… अहिले म कहाँ सुत्छु भन्ने मात्र सोच्दैछु,” उनले भने।

परिषद् सदस्यहरूका अनुसार वाङ फुक कोर्टका सबै आठ ब्लक मर्मत सम्भारका क्रममा थिए र सबै भवन बाँसको स्क्याफोल्डिङले ढाकिएको थियो। यही स्क्याफोल्डिङले आगो फैलिन ठूलो भूमिका खेलेको देखिन्छ। सातवटा ब्लकमा गम्भीर क्षति पुगेको छ भने एउटा ब्लकमा देखा परेको सानो आगो तत्काल नियन्त्रणमा लिइएको थियो।

सुरक्षा अधिकारीहरूले भने भवनभित्र प्रवेश गरेर खोज–राहत कार्य गर्न अहिलेसम्म सम्भव नभएको बताएका छन्। घरछोडेका बासिन्दाहरूका लागि विभिन्न सामुदायिक केन्द्र तथा विद्यालयहरूलाई अस्थायी आवासका रूपमा खोलेको हङकङ गृह मामिला विभागले जनाएको छ।

रकारले तत्काल सहयोग गर्न अपिल गरिरहेका छन्। यो आगलागीलाई हङकङमा सबैभन्दा गम्भीर मानिने ‘लेभल फाइभ’ मा वर्गीकृत गरिएको छ, जसले घटनाको भयावहता झनै स्पष्ट बनाउँछ।