स्वतन्त्रता दिवसको सप्ताहन्तमा टेक्सासको हिल कन्ट्री क्षेत्रमा आएको विनाशकारी बाढीले दर्जनौँको ज्यान लिएको छ। केर्फिल्ल, हन्ट, र कम्फर्ट क्षेत्रका खोलानालाहरू एकाएक उर्लिएपछि बस्ती, शिविर र विद्यालयहरू डुबानमा परेका छन्। अहिलेसम्म ८० जनाको मृत्यु पुष्टि भइसकेको छ, जसमा झण्डै २८ जना बालबालिका छन्। अझै पनि ४० भन्दा बढी बेपत्ता छन्।”

जुलाई ४ को सार्वजनिक बिदाको दिन आएको भारी वर्षापछि ग्वाडालुप नदीको पानी एकैचोटि करिब ३० फिटले बढ्यो।
तीव्र भेलले क्याम्प मिस्टिक नामक बालबालिकाको शिविर नै बगाएको छ र अहिले पनि ११ जना बालिकाहरू तथा १ जना काउन्सेलर हराइरहेका छन्।

“सैन्य हेलिकप्टर, डुङ्गा र ड्रोनको सहयोगमा उद्धार कार्य जारी छ। अहिलेसम्म ८५० भन्दा बढी मानिसहरूलाई बचाइएको छ। टेक्सासका गभर्नर ग्रेग एबटले केर्फिल्ल काउन्टीलाई विपद् क्षेत्र घोषणा गरेका छन्, र राष्ट्रपति डोनाल्ड ट्रम्पले संघीय सहायता सुरु गर्न “Major Disaster Declaration” मा हस्ताक्षर गरिसकेका छन्।”

“ग्वाडालुप नदीको जलस्तर मात्र ९५ मिनेटमै २० फिटले उर्लेको पुष्टि गरिएको छ, तर बाढीपूर्व सूचना प्रणालीहरू असक्षम रहेको भन्दै अहिले आलोचना भइरहेको छ। धेरैजसो बस्तीमा समयमै चेतावनी नपुगेको सरकारी अधिकारीहरूले मानेका छन्।”

“जसले गर्दा कैयौँ घर, शिविर र स्कुलहरू डुबेका छन्। अहिले पनि दर्जनौँ मानिसहरू हराइरहेका छन्।

यो हप्ता अमेरिकाका ५ मुख्य समाचारहरु यस्ता छन :

१. टेक्सासको विनाशकारी बाढी: ८० जना भन्दा बढीको मृत्यु

टेक्सासको केर्फिल्ल काउन्टी र आसपासका क्षेत्रहरूमा आएको बाढीले ठूलो जनधनको क्षति भएको छ।
८० जनाको मृत्यु पुष्टि भइसकेको छ, जसमा २८ बालबालिका छन्।
क्याम्प मिस्टिक नामक बाल शिविर बगिएको छ र अझै पनि दर्जनौं हराइरहेका छन्।
राष्ट्रपति डोनाल्ड ट्रम्पले ‘Major Disaster Declaration’ जारी गर्दै संघीय सहायता पठाएका छन्।

२. एलन मस्कले ‘अमेरिका पार्टी’ घोषणा गरे

टेस्ला र एक्स (Twitter) का मालिक एलन मस्कले अमेरिका भित्रको दुईदलीय व्यवस्था विफल भएको भन्दै नयाँ राजनीतिक दल ‘America Party’ को घोषणा गरेका छन्।
उनको दलको उद्देश्य राजनीतिक भ्रष्टाचारको अन्त्य र स्वतन्त्र विचारको प्रवर्द्धन रहेको बताइएको छ।

३. ‘बिग, ब्यूटिफुल बिल’ संसदबाट पारित

राष्ट्रपति ट्रम्पको दोस्रो कार्यकालको पहिलो ठूलो विधेयक ‘One Big Beautiful Bill’ अमेरिकी संसदबाट पारित भएको छ।
यो विधेयकमा कर सुधार, आप्रवासन नीतिमा कडाइ, हरित उर्जा अनुदान कटौती जस्ता प्रावधान छन्।
यो विधेयकले आगामी २०२६ को मध्यावधि चुनावमा असर पार्न सक्ने आँकलन गरिएको छ।

४. गाजामा युद्धविरामको प्रयास: ट्रम्प प्रशासन सक्रिय

गाजा युद्ध अन्त्यका लागि अमेरिकी मध्यस्थतामा ६० दिने युद्धविराम योजना अगाडि सारिएको छ।
अमेरिकी प्रतिनिधिहरूले इजरायलसँग छलफल गरी सहमति जुटाएको जनाइएको छ।
अब प्रस्ताव हमासलाई पठाइएको छ — राष्ट्रपति ट्रम्पले भनेका छन्: “अवसर लिनु, नत्र अवस्था अझ बिग्रिन्छ।“

५. स्वतन्त्रता दिवस धुमधाम

जुलाई ४ – अमेरिकाको स्वतन्त्रता दिवस देशभर उत्सवपूर्वक मनाइयो।
राष्ट्रपति ट्रम्पले वाशिंगटन डिसीमा ‘Salute to America’ कार्यक्रममा सम्बोधन गर्दै अमेरिका पहिलो, राष्ट्रवाद बलियो भन्ने सन्देश दिए।
देशभर आतिशबाजी, परेड, संगीत कार्यक्रम र झण्डोत्तोलन समारोह सम्पन्न भए।