🔷 १. सत्तारुढ गठबन्धनको बैठक बालुवाटारमा सम्पन्न

• प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच बालुवाटारमा सत्ता साझेदार शीर्ष नेताहरूको बैठक सम्पन्न भयो।

• बैठकमा राष्ट्रिय स्वतन्त्र पार्टी (रास्वपा) को संसद अवरोध, समसामयिक राजनीतिक अवस्था, सरकार सञ्चालनको प्रभावकारिता, मन्त्रीहरूको कार्यसम्पादन मूल्यांकन, बजेट कार्यान्वयन र सहकार्यको संस्कृतिमा छलफल भएको थियो।

• सहभागीहरू: गृहमन्त्री रमेश लेखक, अर्थमन्त्री विष्णु पौडेल, परराष्ट्रमन्त्री आरजु राणा, उपसभापति पूर्णबहादुर खड्का, ऊर्जामन्त्री दीपक खड्का र महामन्त्री गगन थापा।

🔷 २. दीपक मनाङे सांसद पदबाट पदमुक्त

• गण्डकी प्रदेशका सांसद दीपक मनाङे (राजीव गुरुङ) सर्वोच्च अदालतको संवैधानिक इजलासको फैसलाबाट सांसद पदबाट पदमुक्त।

• उनी फौजदारी अभियोगमा दोषी ठहर भई अन्तिम फैसला भइसकेको आधारमा पदबाट हटाइएका हुन्।

• निर्णय गर्ने इजलासमा प्रधानन्यायाधीश प्रकाशमान सिंह राउतसहित पाँच न्यायाधीश सामेल थिए।

🔷 ३. वरिष्ठ नगर प्रहरी उपरीक्षक राजुनाथ पाण्डे बहाल

• उच्च अदालत पाटनले राजुनाथ पाण्डेको निलम्बनविरुद्ध अन्तरिम आदेश जारी गर्दै उनलाई तत्काल पदमा बहाली गर्‍यो।

• जेठ २० गते उनले प्रमुख प्रशासकीय अधिकृतलाई कार्यालय प्रवेशमा अवरोध गरेको आरोपमा ६ महिनाको निलम्बन पाएका थिए।

• अदालतको ठहर: पाण्डेले आफ्नो सुरक्षा जिम्मेवारीअनुसार काम गरेका, आदेश उल्लंघन देखिएको छैन।

🔷 ४. अख्तियारद्वारा पल्टु रानाविरुद्ध सर्वोच्चमा पुनरावेदन

• महेन्द्रनगर नगर विकास समितिका तत्कालीन अध्यक्ष पल्टु रानाविरुद्ध सरकारी जग्गा व्यक्तिका नाममा अवैध दर्ता गरेको आरोपमा अख्तियारले पुनरावेदन दायर।

• विशेष अदालतले आंशिक सफाइ दिएपछि आयोगले करिब १ करोड ९३ लाख बिगो कायम गर्दै सर्वोच्चमा पुनरावेदन गरेको हो।

• 

🔷 ५. इजरायल–इरान संघर्षबारे परराष्ट्र मन्त्रालयको चेतावनी

• परराष्ट्र मन्त्रालयले इजरायल र इरानको परिस्थितिलाई नजिकबाट निगरानी गरिरहेको जनाएको छ।

• इजरायलमा रहेका नेपालीहरू हालसम्म सुरक्षित रहेको पुष्टि, तर आवश्यक्ताअनुसार कदम चालिने जनाएको छ।

• नेपालीलाई घर वा बंकरबाहेक बाहिर ननिस्कन, इजरायली सुरक्षा निर्देशन पालना गर्न र राजदूतावाससँग सम्पर्कमा रहन आग्रह गरिएको छ।

• इजरायल, इरान तथा अन्य मध्यपूर्व मुलुक जान तयारी गरिरहेका नेपालीहरूलाई यात्रा हाललाई स्थगित गर्न अनुरोध गरिएको छ।

•