स्वास्थ्य एवं जनसंख्या मन्त्री एवं नेपाली कांग्रेसका प्रभावशाली युवा नेता प्रदीप पौडेलले जिपी कोईराला फाउन्डेशन अमेरीका च्याप्टरको कार्यालय उडसाईड न्युयोर्क पुगेर अवलोकन भ्रमण एवं स्वर्गीय कोईरालाप्रती श्रद्दासुमन अर्पण गर्नुभयो। सो अवसरमा वहाँलाई फाउन्डेशनका अध्यक्ष सोमनाथ घिमिरेले खादामाला लगाई स्वागत गर्नुभएको थियो र कार्यसमिति सदस्यहरु सुर्य सिंखडा र ध्रुव कुँवर क्षेत्री लगायत नेपाली कांग्रेस नेतागण एंव ने.वि. संघ नेता कार्यकर्ताहरुले माननीय प्रदीप पौडेलज्युलाई स्वागत गर्दै आ-आफ्नो परिचय दिदैं मन्तव्य राखेका थिए।

भेटका अवसरमा  स्वास्थ्य मन्त्रीज्युले आफुले वर्तमान नेपालको स्वास्थ्य मन्त्रालय मार्फत जनतालाई यथासंभव सहज, शुलभ र नि:शुल्क स्वास्थ्य सेवा प्रदान गर्न लागीपरेको र सो महान कार्यका लागी देशविदेशमा रहेका तमाम नेपाली सहयोगी हातहरू र सकरात्मक विचारको खाँचो औंल्याउनुभयो।

आफु नेपाल सरकारको स्वास्थ्य मन्त्रीको हैसीयतले संयुक्त राष्ट्रसंघद्वारा आयोजित मन्त्रीस्तरीय बैठकमा सहभागी हुन अत्यन्त छोटो समयको कार्यक्रम सहीत अमेरीकाको न्युयोर्क आएको र यसै सीलसीलामा जिपी कोईराला फाउन्डेशन अमेरीकाको कार्यालयको भ्रमण गर्न पाउँदा अति खुशी भएको र गिरीजावावुले भनेझैं सहमती, सहकार्य र एकताले नै निर्धारित उद्देश्य पुरा हुन सम्भव छ भन्ने कुरामा जोड दिनुभयो।वहाँले स्व गिरीजावावुको एक सच्चा सिपाहीको हैसीयतले आज वहाँले रोपेको गणतन्त्रको वीउलाई सक्षम बिरूवाको रूपमा मलजल गर्न आफु र सिंगो पार्टी लागीपरेको कुरामा जोड दिनुभयो।आज नेपालमा फेरी गणतन्त्र विरोधी शक्ति सल्वलाई रहेको र नेपालमा अस्थिरता एवं अशान्ति फैलाउने चेष्टा गरीएकोमा जोड दिँदै वहाँले सुशासन र जनप्रिय काम गरेमात्र जनताको प्रतिनिधि हुन सकिने कुरामा आफु विश्वस्त रहेको बताउनुभयो ।

सो अवसरमा बोल्दै फाउन्डेशनका अध्यक्ष सोमनाथ घिमिरेले अमेरीकामा फाउण्डेशनले गरेका विविध गतिविधिहरुवारे संक्षेपमा व्याख्या गर्नुभयो।वहाँले फाउन्डेशनमार्फत कोरोनाकहरदेखी आजसम्म प्रवासी नेपाली डायस्पोरा र अन्य समुदायसँग समेत मिलेर गरीएका सामाजिक कार्यहरुवारे विस्तृतमा बताउनुभयो।

उक्त भ्रमणका अवसरमा सामाजिक अभियान्ताहरु अम्बीरराज जोशी, सुजन खनाल, कृष्ण पोख्रेल, मीन खड्का, मीन हमाल, महदत्त कँडेल लगायतका महानुभावहरूको उपस्थिती रहेको थियो। वहाँहरुले समसामयिक नेपाली राजनैतिक एवं स्वास्थ्य क्षेत्रमा भएगरेका र भविष्यमा गर्नसकिने विविध सेवा सुविधा विस्तार तथा नयाँ कार्ययोजनाबारे सल्लाह सुझाव दिनुका साथै माननीय मन्त्रीको प्रशंसनीय कार्यसम्पादन र जनप्रिय निर्णय- हरुवारे खुशी व्यक्त गर्नुभएको थियो।