Washington DC, US : March 31, 2025, Monday 03:48 AM

** अमेरिकाबाट प्रकाशित, संसारभर रहेका नेपाली समुदायमा समर्पित **
( निष्पक्ष, स्वतन्त्र, नाफा नकमाउने र संसारका १७५ भन्दा बढी देशमा पढिने एउटा डिजिटल पत्रिका )
Old Archive >

ताजा समाचार
|अधिबक्ता एबम प्रबक्ता स्वागत नेपाल रिहा भए पछि के भन्छन ?|अमेरिकाको जस्तै देखिने बाटोको नाम, घरको नम्बर र स्टप साईन !|रवीन्द्र मिश्र, धवलशमशेर सहित ११ जनालाई राज्यविरुद्धको कसुर|डोनाल्ड ट्रम्पले रुसी राष्ट्रपति भ्लादिमिर पुटिनप्रति असन्तोष व्यक्त गरे|अधिवक्ता स्वागत नेपाल विना सर्त रिहा|बेपत्ता भनिएका दुर्गा प्रसाइको भिडियो सार्बजनिक, के भन्छन सुन्नुस !|गजबको लोकतान्त्रिक गणतन्त्र हाम्रो सुन्दर देशमा कति सुहाएको ?|अक्षम्य अपराध : आन्दोलनकारीको नाममा स्वदेशी सरकारी जडीबुटी कम्पनी निशानामा पर्दा दुई वटा भवन जले, गाडीहरुमा आगो|म त निर्धो पुलिस परें !|हिजो रण मैदान बनेको काठमाडौंको तीनकुने र आसपासका क्षेत्रमा लगाइएको कर्फ्यु शनिबार बिहान ७ बजे हटाइयो, क कसले के के भने हेर्नुस बिबरण !

बिशेष सम्पादकीय : देश र जनताका लागि एउटा नयाँ मोडेल, नयाँ डिजाइनमा जाऊ ! देश र जनता विस्फोटनको सँघारमा छन् । कसैले कसैलाई पाखा लगाएर, आरोप प्रत्यारोप गरेर, खेदेर होइन एउटै टेबलमा बस र निष्कर्ष निकाल, निकास देऊ, देश बँचाऊ ! पानी माथिको ओभानो बन्ने दुष्प्रयास कसैले नगर । यो भन्दा अब बिग्रिन भत्किन केही बाँकी छैन मनन गर ।

  NepalMother.com | १० चैत्र २०८१, सोमबार ०९:१८

देश र जनता विस्फोटनको सँघारमा छन् । कसैले कसैलाई पाखा लगाएर, आरोप प्रत्यारोप गरेर, खेदेर होइन एउटै टेबलमा बस र निष्कर्ष निकाल, निकास देऊ, देश बँचाऊ ! पानी माथिको ओभानो बन्ने दुष्प्रयास कसैले नगर । यो भन्दा अब बिग्रिन भत्किन केही बाँकी छैन मनन गर ।
२०४६ साल पछिका हरेक सरकार, हरेक दल, हरेक नेतृत्व, चाहे काँग्रेस, एमाले, माओवादी, रा.प्र.पा, मधेसवादी देखी अहिलेका नयाँ जोगीहरू सम्म र राजाकै अध्यक्षताको सरकार समेत पूर्ण रूपमा असफल भएकै हुन, कोही चोखा छैनन्, कोही सफल पनि छैनन्, भएनन् ।

देश काल परिस्थिति हेर, माटो हेर, आ आफ्ना गल्ती कमजोरीहरू स्वीकार गर । जनता सामु आत्मालोचना गर । देश र जनताका लागि एउटा नयाँ मोडेल, नयाँ डिजाइनमा जाऊ, कसैलाई पाखा नलगाऊ । प्रतिसोध नराख । देशलाई प्रयोगशाला मात्र नबनाऊ ।

देश र जनताले अब पनि तितो विगत र तिता प्रयोगहरू दोहोर्‍याउँदै र प्रयोग गर्दै थेग्न सक्ने अवस्था नै छैन । नेपाल भन्ने देश विदेशीको क्रिडास्थल बनिसकेको छ । कुशासन, अन्याय, अत्याचार, भ्रस्टाचारले बदनाम भैसकेको छ ।

विदेशीहरूले रिन र अनुदान पत्याउन छाडिसकेको अवस्था छ । देशको अर्थतन्त्र ध्वस्त छ । जनशक्ति पलायन तीव्र छ । देशमा आकर्षण होइन विकर्षण बढ्दो छ त्यो जुन सुकै क्षेत्रमा हेरौँ । राजा देखी दल, नेता, सेना, पुलिस, कर्मचारी यन्त्र, स्वयम जनता पनि, छातीमा हात राख र सोंच – नेपाली हामी रहौँला कहाँ नेपालै नरहे !

समय बलवान हुन्छ । समयसँग खेलबाड नगर । जन्मभूमि र माटोलाई सम्झ । राष्ट्रिय एकता कायम गर । नत्र नसोचेको क्षति बेहोर्न सबै तयार होऊ । यो उकुस मुकुस अब धेरै रहला जस्तो लाग्दैन । विस्फोट हुनु पूर्व सबैको चेत खुलोस् । आगो सल्किसकेको छ, आगो नियन्त्रण गर, आफू पनि बाँच र देश पनि बँचाऊ । भिरमा जाने गोरुलाई राम राम भन्न सकिन्छ काँध थाप्न सकिन्न चेतना भया । आगे जो मर्जी !

– सम्पादकीय, नेपाल मदर डट कम

Go to Home Page

 

 

प्रतिक्रिया

कतार घुम्ने होइन त ?

कतार घुम्ने होइन त ?
कतार घुम्न अलग ट्रिप बनाउन पनि पर्दैन, ट्रान्जिटमा रहँदा पनि कतार घुमाउने ब्यबस्था !

 

रामप्रसाद खनालका गीत, गजल, कविता र भिडियोहरु
रामप्रसाद खनालका गीत, गजल, कविता, भिडियोहरु र म्युजिक ट्र्याकका लागि माथि फोटोमा क्लिक गर्न सक्नुहुन्छ ।