स्मार्ट फोन बोक्ने, फेसबुक, टिकटक लगायतका सामाजिक सन्जाल चलाऊने मान्छेहरु आफू पनि उत्तिकै स्मार्ट हुनुपर्छ नत्र स्क्यामर / ह्याकरले छिन भरमै तपाईँको बैङ्कको पैसा देखी सब चट पार्दिन र तपाईं हामीलाई बर्बाद पार्न सक्छन् ख्याल गर्नुहोला । विशेष गरी महिला दिदी बहिनीहरू अझ बढी चनाखो र संवेदनशील हुनु जरुरी छ हर कुरामा । उनीहरूले छिनभरमै तपाईँलाई नरकमा पुर्‍याउन सक्छन् । त्यस्ता स्क्यामर / ह्याकरहरूले अङ्ग्रेजी भाषा नजान्ने वा कम जान्ने, प्रविधिको ज्ञान कम भएका जो सुकैलाई जुन सुकै बेला बढी टार्गेट गरेका हुन्छन् र आफ्नो सिकार बनाउँछन । तपाईँ जति नयाँ, आधुनिक र स्मार्ट कुरा खोज्नुहुन्छ, तपाईँ आफू पनि त्यति नै आधुनिक र स्मार्ट बन्न, जान्न जरुरी छ । नत्र बर्बाद पार्न सक्छन् ख्याल गर्नुहोला । अहिले धेरैले यो समस्या झेलिरहेको सुनिन्छ देखिन्छ । कैयौँका बैङ्क खाता रित्तै पारिएका देखी तपाईँकै फोटोमा अश्लील कुराहरू जोडेर ब्ल्याकमेलिङ गरिरहेका घटनाहरू सार्वजनिक हुन थालेका छन् । सजक बनौँ ।