• बिष्णु घिमिरे, साउदी

कास्की आदर्श समाज साउदी अरबको तेस्रो महाधिवेशनबाट अध्यक्षमा मुक्ति बराल चयन भएका छन महाधिवेशनबाट २०२५-२०२७ कार्यकालका लागि सर्वसहमतीमा उनलाई अध्यक्षमा चयन गरिएको हो ।वरिष्ठ उपाध्यक्ष मनकाजी गुरुङ ,उपाध्यक्ष पूर्वी क्षेत्र ओम बहादुर कुमाल , उपाध्यक्ष पश्चिम क्षेत्र कुल बहादुर गुरुङ , महिला उपाध्यक्षमा गीता आत्म मगर, महासचिवमा कमल शाही निर्मल, युवा संयोजकमा लोकबहादुर परियार, उपमहासचिवमा खुसीमान गुरुङ, कोषाध्यक्षमा तुलसीराम भण्डारी, सहकोषाध्यक्षमा अमृतापुरी प्रवक्तामा सुरेश सुनार , महिला संयोजकमा माया गुरुङ, मिडिया संयोजकमा दुर्गा तमु सांस्कृतिक संयोजकमा डिबी तामाङ, सांस्कृतिक उपसंयोजकमा रोहनकुमार परियार सदस्यहरूमा मकबुल अमिनी, अनिल राणाभाट चन्द्र भण्डारी सोम परियार, राजु केसी राज तामाङ, स्मृति गिरी ,राम गुरुङ, सन्तोष गुरुङ ,जगदीश खनाल, चयन गरेको छ भने प्रमुख सल्लाहकारमा हेमलाल सेवा, सल्लाहकारमा खेम गुरुङ, कृष्णपुरी शिवबहादुर ढकाल रहेका छन् भने प्रमुख संरक्षकमा अमर सापकोटा संरक्षकमा अमृत पौडेल ओम घले बासुदेव सापकोटा रहेको छन ।
गत शुक्रबार २१ नोभेम्बर २५ मा आयोजित कार्यक्रममा नेपाली दुतावास रियादका कार्यवाहक राजदूत सिर्जना अधिकारीको प्रमुख अतिथिमा सो कार्यक्रम सम्पन्न भएको थियो। कार्यक्रममा समाजको उन्नति र प्रगतिको कामना सहित संस्थाले गरेको कार्य प्रगतिको प्रशंसा गर्दै भविष्यमा नेपाली दूतावासले संस्थागत रुपमा सहकार्य गर्ने नयाँ समितिको नयाँ समितिलाई शुभकामना समेत व्यक्त गरेकी थिन् भने महिला घरेलु कामदारको विषयमा श्रम सम्झौतामा गरिने विषयलाई लिएर नेपाल सरकारको ध्यानाकर्षण गराउने समेत जानकारी गराईन । कार्यक्रममा कार्यक्रममा उपस्थित संस्थाका प्रमुख प्रतिनिधिले संस्थाले गरेका कार्यको प्रशंसा गर्दै भावी सन्ततिमा पनि संस्थाले नमुना कार्य गर्ने योजनासहित संस्थाको थप सफलताको शुभकामना व्यक्त गरेका थिए । साथै नेपालबाट आमन्त्रित लोकगायिका तुलसी क्षेत्रीले कार्यक्रमको बीचमा उपस्थित दर्शकहरुलाई विभिन्न मौलिक गीतहरू प्रस्तुत गरेर मनोरञ्जन समेत प्रदान गरेकी थिइन्। साथै उनले संस्थाले गरेको कार्यको प्रशंसा गर्दै थप गायन क्षेत्रबाट संस्थालाई सहयोग गर्ने बताइन । कार्यक्रम बीचबीचमा उनले मौलिक भाकाका रोइला लोक गीत समेत प्रस्तुत गरेकी थिइन्।
कार्यक्रमका अध्यक्ष तथा सभापति हिमलाल सेवाले महाधिवेशनले संस्थाको एकता, पहिचान र कामको प्रभावकारितामा नयाँ ऊर्जा थप्नुको साथै आफ्नो कार्यकालमा सहयोग गर्ने सम्पूर्ण सहयोगी दाता संघसंस्था व्यक्तिहरूलाई धन्यवाद समेत दिएका थिए। कास्की आदर्श समाजका संरक्षक तथा अन्तर्राष्ट्रिय पत्रकार महासंघ अमेरिका शाखाका प्रमुख सल्लाहकार अमर सापकोटाले संस्था स्थापना गर्नुको उद्देश्य बारे जानकारी दिदै नवनिर्वाचित पदाधिकारीलाई सपथ खुवाउनुको साथै शुभकामना व्यक्त गरेका थिए।
कास्की आदर्श समाज साउदीले २० लाख रुपैयाँ सहयोग गरेको छ। संस्थाको दोस्रो महाधिवेशन समीक्षा कार्यक्रममा संस्थाले हालसम्म साउदी र विभिन्न देशमा अलपत्र परेका नेपाली लगायत नेपालका विभिन्न क्षेत्रमा सो रकम सहयोग गरेको जनाएको हो। संस्थाले कतारमा जेलमा रहेका विनोद रानाभाटको रिहाइका लागि १ लाख ६५ हजार, मनिषा गुरुङ बचाउ अभियानमा ६० हजार ५ सय, नेपाली दूतावासको सेल्टरमा रहेका चेलीलाई हवाई टिकटस्वरूप ५२ हजार ५ सय, दुवै आँखा नदेख्ने दीर्घमान रानालाई ७० हजार, १३ महिनाकी सियोना श्रेष्ठ बचाउ अभियानमा ६० हजार सहयोग गरेको छ।
यसैगरी कोरोना महामारीमा स्वास्थ्य सामग्री स्वरूप ७ लाख, मृगौला पीडित उत्तम बिक बचाऊँ अभियानमा ४३ हजार ३६, नवजीवन परपोकार संस्था तथा वृद्ध आश्रमलाई र ५ हजार, मृगौला पीडित सूर्यबहादुर गुरुङ २ हजार ३०, माया विश्वकर्मा २५ हजार ५ सय ११, आगलागीबाट घाइते बाबुराम दमाईलाई ४२ हजार सहयोग गरेको संस्थाले जनाएको छ।
दूतावासको अनुरोधमा बहिर्गमन भिसा प्राप्त पीडित नेपालीलाई हवाई टिकट स्वरूप ३८ हजार सहयोग, साउदीमा अलपत्र परेका १५० जनाभन्दा बढी नेपालीलाई खाद्यान्न सहयोग, हवाई टिकट , स्वास्थ्य परीक्षण, यातायात व्यवस्थामा १ लाख ६० हजार सहयोग, कास्कीमा नै उपचार नपाएर अलपत्र परेका वीरबहादुर कुँवरलाई ५० हजार, साउदी जेलमा रहेका दामोदर क्षेत्रीलाई उद्दार स्वरूप ४२ हजार, दुर्गाबहादुर सुनुवार उद्धार अभियानमा ३५ हजार ५ सय र संस्थाको अक्षयकोष साथै साउदीमा रहेका विभिन्न संघ संस्थाको सामाजिक कार्यमा समन्वय स्वरूप ४ लाख ४० हजार रुपैयाँ सहयोग गरेको छ। हाल संस्थाको कोषमा २४ हजार रियाल नगद  रहेको बताए।