१– SNAP (Food Stamp) लाभमा परेको असर :

अमेरिकामा चलिरहेको सरकार बन्द (Government Shutdown) ले SNAP / Food Stamp लाभमा आश्रित करिब ४२ मिलियन (चार करोड २० लाख) भन्दा बढी अमेरिकी नागरिक प्रत्यक्ष प्रभावित भइरहेका छन्।
SNAP कार्यक्रम अमेरिकी संघीय सरकारले संचालन गर्ने न्यून–आय परिवार, बेरोजगार, अपाङ्गता भएका, वृद्ध, एकल बुबा–आमालगायत नागरिकहरूलाई महिनावारि खाना किन्न सहयोग गर्ने जीवन–निर्भर कार्यक्रम हो।

सरकार बन्दका कारण कृषि विभाग (USDA) सँग SNAP वितरणका लागि प्रयोग हुने बजेट समयमै जारी हुन सकेको छैन।
यसकारण

• केही राज्यहरूमा फुड स्टाम्प रकम ढिलो हुन थालेको छ,
• धेरै राज्यमा भुक्तानी आंशिक रूपमा जारी भएको छ,
• र यदि सरकारी सहमति नजुटे SNAP पूर्ण रूपमा रोकिने जोखिम समेत देखा परेको छ।

फेडरल अदालतले SNAP पूरा रकम तुरुन्त उपलब्ध गराउन आदेश दिएको थियो, तर सर्वोच्च अदालतले सो आदेशलाई अस्थायी रोक लगाएपछि यो समस्या अझ गम्भीर बन्दै गएको छ।

२– सरकार बन्दका अन्य प्रमुख असरहरू

सरकार बन्दले लाखौं संघीय कर्मचारीहरू तलब बिना काम गर्न बाध्य भएका छन् वा जबरजस्ती बिदा मा छन्।
मुख्य असरहरू यसप्रकार छन्—

• हवाई सेवा प्रभावित:
  एयर ट्राफिक कन्ट्रोलरहरू तलब बिना काम गर्दा थकान, तनाव र कमी देखिएकाले
  ४० प्रमुख विमानस्थलहरूमा उडान कटौती र हजारौं उडान रद्द भएका छन्।
• पासपोर्ट जारी, भिसा, कागजात प्रक्रिया ढिलो
• राष्ट्रिय पार्कहरू बन्द वा सीमित सेवा
• फुड बैंकहरूमा भीड अत्याधिक, किनकि SNAP ढिलो हुँदा नागरिकहरू राहतका लागि निर्भर भएका छन्
• सरकारी अनुदान, परियोजना, अनुसन्धान, सार्वजनिक सेवाहरू ठप्प
• आर्थिक गतिविधिमा प्रत्यक्ष दबाब र बजारमा अनिश्चितता

३– ट्रम्पको ‘Liberation Day Tariffs’ को सर्वोच्च अदालतमा विवाद

राष्ट्रपति ट्रम्पले “विदेशसँगको व्यापार घाटा” लाई राष्ट्रिय आपतकाल घोषणा गरेर
अधिकांश आयातमा १०% भन्सार (Tariffs) लगाएको थियो।

यो आदेश IEEPA (International Emergency Economic Powers Act) नामक ऐनको आधारमा भएको दाबी प्रशासनले गरेको छ।
तर समस्या के छ भने—

• IEEPA मा ‘Tariff’ वा ‘Tax’ भन्ने शब्द नै छैन।
• यसै कारण सर्वोच्च अदालतमा राष्ट्रपतिको अधिकार कति हदसम्म हुन्छ? भन्ने मूल प्रश्न उठेको छ।

सुनुवाइमा ट्रम्पद्वारा नियुक्त न्यायाधीश एमी कोनी ब्यारेट र नील गोर्सच समेतले
“के यसले कांग्रेसको कर निर्धारण अधिकार राष्ट्रपतिलाई दिने हो?” भनेर कडा प्रश्न उठाए।

यो मुद्दाको निर्णयले ट्रम्पको आर्थिक नीतिमा ठुलो प्रभाव

• र भविष्यमा कुनै पनि राष्ट्रपतिले कति कार्यकारी शक्ति प्रयोग गर्न पाउने हो
  दुवैलाई पुन: परिभाषित गर्नेछ।

४– सरकार बन्द अन्त्यका लागि चलिरहेको नयाँ राजनीतिक चलखेल

सेनेटका रिपब्लिकन सांसदहरू अहिले केही डेमोक्र्याट सांसदहरूलाई आफ्नो पक्षमा ल्याएर
सरकारलाई अस्थायी रूपमा सञ्चालन गर्ने ‘Stopgap Funding Bill’ पारित गर्ने प्रयासमा छन्।

यदि डेमोक्र्याटहरू मध्ये पर्याप्त संख्यामा समर्थन आए—

• फिलिबस्टर (अवरोध मतदान) तोड्न
• ६० मत पुर्‍याउन
• र सरकारलाई जनवरीसम्म पुनः सञ्चालनमा ल्याउन सेनेटले भोट गर्न सक्छ।

तर डेमोक्र्याट पक्ष अझै Obamacare (Health Insurance Subsidy) सम्बन्धी
समाधान बिना सहमति दिन तयार छैन।

यसैले अहिलेको चलखेल यस्तो छ—

• रिपब्लिकन: “पहिले सरकार खोलौँ, बाँकी विवाद पछि।”
• डेमोक्र्याट: “पहिले स्वास्थ्यबीमा खर्चको समाधान, अनि मात्र सरकार खोलिन्छ।”

यदि दुवै पक्षबीच यस विषयमा समझदारी बने, तब सरकार अस्थायी रूपमा फेरि खुल्नसक्छ।
तर सहमति नबने—सरकार बन्द अझै कायम रहनेछ, र प्रभाव अझ गम्भीर हुँदै जानेछ।