चैत १५ गतेको तीनकुने घटनामा मारिएका पत्रकार सुरेश रजकका परिवारले प्रधानमन्त्री केपी शर्मा ओलीलाई भेटेका छन् । बालुवाटारमा सोमबार भएको भेटमा प्रधानमन्त्री ओलीले अकालमा ज्यान गुमाउन पुगेका पत्रकार रजकप्रति श्रद्धाञ्जली व्यक्त गर्दैै परिवारमा समवेदना व्यक्त गरे । ओलीले उक्त दुःखद् घटनाको छानबिन गरी दोषीमाथि कडा कारबाही गरिने प्रक्रिया सुरु भएको बताए । प्रधानमन्त्री ओलीले मृतकको दाहसंस्कार गर्न परिवारजनलाई आग्रह गरे । उनले सुरेशकी श्रीमती सुजन रजकलाई रोजगारीलगायत आवश्यक पर्ने अन्य व्यवस्थाका लागि सरकारले ध्यान दिनेसमेत बताए ।

यसै बीच राष्ट्रिय स्वतन्त्र पार्टी (रास्वपा)का का सभापति रवि लामिछानेले नेपाली कांग्रेस र नेकपा (एमाले)को गठबन्धन सरकारले आफूविरुद्ध अर्को प्रहार गर्न सक्ने बताएका छन् । सभापतिको जिम्मेवारीमा फर्किएपछि बसेको केन्द्रीय समिति बैठकमा उनले सहकारी प्रकरणमा पक्राउ परेपछिको अवस्था पीडादायक रहेको बताए ।

“हामीले राणा शासन देखेका छैनौँ, पञ्चायत झेल्न परेन तर मलाई यो दौरान राज्यले गर्ने राजनीतिक प्रतिशोध र यातना कस्तो हुन्छ भन्ने पीडादायक अनुभूति गरायो,” रविको भनाइबारे कार्यवाहक प्रवक्ता मनीष झाले भने, “यो दौरानको समय कति पीडादायक थियो भन्ने सम्झिँदा पनि पीडादायक छ ।”

पीडा र सबै संघर्षहरू केवल राजनीतिक प्रतिशोधको उपज हो भन्ने भाष्य स्थापित भइसकेको बताए । उनले चितवनबाट मध्यरातमा त्रिशूलीको तिरैतिर लैजाँदा आफ्नो ज्यानको खतरा महसुस गरेको सुनाए । “चितवनबाट मध्यरातमा त्रिशूलीको तिरैतिर लग्दै गर्दा मलाई मार्न खोज्दैन भन्ने लागेको थियो र मेरो ज्यानको खतरा थियो,” उनले बैठकमा भनेका छन्, “मेरो डायरी खोसियो र कहाँ जलाइदियो थाहा छैन ।”

उनले गठबन्धनले अर्को प्रहार गर्न सक्ने भन्दै पार्टीको संरचना सबल बनाउनुपर्नेमा जोड दिए । “यो गठबन्धनले अब अर्को प्रहार गर्न सक्छ । तसर्थ अहिलेको पार्टी संरचना अझै सबल र सशक्त हुन आवश्यक छ,” उनले बैठकमा भने ।

गणतन्त्र जनताको तन्त्र हो भन्ने झन्डा आफूहरूले बोक्ने पनि बताएका छन् । “गणतन्त्र भनेको ओली तन्त्र र देउवा तन्त्र हैन । गणतन्त्र भनेको जनताको तन्त्र हो र त्यो झन्डा हामीले बोक्छौँ,” लामिछानेले बैठकमा भनेका छन् । बाह्रखरिका अनुसार उनले गणतन्त्रमा पनि सुधार आवश्यक रहेको बताए ।

उता नेकपा (एमाले)ले काठमाडौंमा मोटोरसाइकल र्‍याली निकालेको छ । सोमबार अपराह्नतिर पार्टी महासचिव शंखर पोखरेलको नेतृत्वमा एमालेले काठमाडौंको तीनकुने क्षेत्रबाट र्‍याली निकालेको हो ।

र्‍यालीमा सहभागीहरूले ‘गणतन्त्र – जिन्दावाद’, प्रतिगमन – मुर्दावाद,’ ‘हिंसा, हत्या र लुटपाट – मुर्दावाद,’ ‘जन्मसिद्ध श्रेष्ठता – अस्वीकार गरौँ,’ ‘नेकपा (एमाले) – जिन्दावाद,’सहितका नारा लगाएका थिए ।

यस्तै, उनीहरूले ‘दास र रैती बन्न – मन्जुर छैन,’ हत्यारालाई – कारबाही गर,’ शान्ति सुव्यवस्था – कायम गर,’ ‘सामाजिक अराजकता – मुर्दावाद,’ ‘जनताको बहुदलीय जनवाद – जिन्दावाद,’सहितका नारा पनि लगाएका थिए ।

पछिल्लो समय राजावादी सक्रिय भएसँगै राजनीतिक दलहरूले गणतन्त्रको पक्षमा नाराबाजी र जुलसका कार्यक्रम गर्दै आएका छन् ।

यता दुर्गा प्रसाईंका सहयोगी देवी संग्रौला र विष्णुजंग बस्नेत पक्राउ परेका छन् ।

जिल्ला प्रहरी परिसर काठमाडौंले साेमबार उनीहरूलाई पक्राउ गरेको हो । संग्रौलालाई ललितपुरको भैँसेपाटी र बस्नेतलाई बालकुमारीबाट पक्राउ गरिएको प्रहरीले जनाएको छ ।

काठमाडौंको तीनकुनेमा हिंसा भड्काएको आरोपमा प्रहरीले उनीलाई पक्राउ गरेको हो ।

जिल्ला प्रहरी परिसर काठमाडौंले तीनकुने घटनामा आपराधिक गतिविधि गरेको आरोपमा आइतबार ४१ जनाविरुद्ध अनुसन्धान अगाडि बढाएको छ ।

बाह्रखरीकै अनुसार राजसंस्था पुनःस्थापनाको माग गर्दै काठमाडौंको तीनकुनेमा ‘अराजक प्रदर्शन’ भयो ।

त्यस दिन तीनकुनेमा हिंसा मच्चियो । दुई जनाको ज्यान गयो । एकजना पत्रकारलाई घरभित्रै आगो लगाएर ज्यान लिइयो । यसको नेतृत्वमा थिए विवादित व्यवसायी दुर्गा प्रसाईं । उनै प्रसाईं आक्रोशित भएर प्रहरीमाथि नै गाडी चलाउने प्रयास गरे ।

तीनकुने प्रदर्शन नियन्त्रणका लागि करिब हजारको हाराहारीमा प्रहरी खटिएको थियो । प्रहरीमाथि नै गाडी चलाउने प्रयास गरेर अघि बढेका प्रसाईंलाई प्रहरीले केहीबेर नियन्त्रणमा लिएर फेरि प्रदर्शन भइरहेको क्षेत्रतर्फ नै छाडिदियो ।

प्रहरीभित्र यो घटनालाई लिएर ‘प्रहरीको असफलता’ भन्दै चर्को बहस भइरहेको छ ।

नियन्त्रणमा लिइसकेका प्रसाईंलाई किन छाडियो ? नियन्त्रणमा लिन आदेश माग्दा माथिबाट किन दिइएन ? फिल्डमा खटिएका प्रहरीको मनोबल गिराउने काम किन भयो ?लगायतका प्रश्न अहिले प्रहरी संगठनभित्र उठिरहेको छ ।

एक प्रहरी अधिकारीले बाह्रखरीसँगको कुराकानीमा भने, “काठमाडौंको तीनकुनेमा यो खालको अराजक अवस्था आउँदैछ भन्ने प्रहरी संगठनले आकलन नगरेको होइन, तर आदेश दिने बेलामा केही कमजोरी भयो ।”

गाडीसहित नियन्त्रणमा लिइएको केहीबेरमा प्रसाईं फेरि तीनकुने पुगेका थिए । केहीबेर उनका समर्थकहरूसँग एउटा पसलको सटरमा बसे । त्यहाँसम्म पनि प्रहरी अधिकारी सँगसँगै थिए ।

त्यसपछि प्रसाईं कसरी बाहिरिए ? कहाँ पुगे अहिलेसम्म प्रहरीले पत्तो पाउन सकेको छैन । त्यहाँबाट बेलुका प्रसाईं आफ्ना गुरू पुस्कर खतिवडाको निवासमा पुगेर फलफूल खाएर हिँडेका थिए ।

त्यहाँबाट उनी ‘मोबाइल अफ गरेर भागेको’ प्रहरीका एक अधिकारीले जानकारी गराए ।

“हामीलाई पक्राउ गर्नू भन्ने आदेश नै बेलुका ६ बजेपछि आएको हो,” फिल्डमा खटिएका एक प्रहरी अधिकारीले टिप्पणी गर्दै भने, “त्यसबेला उनी काठमाडौं कट्ने तरखरमा थिए ।”

उनका अनुसार प्रसाईंले काठमाडौंकै एक मन्दिरमा लुकेर बसेको छु भने पनि उनी भागेर भारत पुगिसकेको अनुमान गरिएको छ ।

“उनले काठमाडौंको एक मन्दिरमा छु भनेर भनेका छन्, तर उनी रातारात मोटरसाइकलमा भारत पुगिसकेको खबर छ,” उनले भने । मोटरसाइकलमा चढेर रातारात हेटौंडा हुँदै भारत पुगेको र नेपालकै मन्दिरमा छु भनेर बनाएको भिडियो पनि भारतकै एक मन्दिर भएको ती प्रहरी अधिकारीको भनाइ छ ।

मुख खोले पूर्व प्रधानमन्त्री लोकेन्द्र बहादुर चन्दले पनि