नयाँ तीज गीत ‘शिरफुलको चल्ती हरायो’ सार्वजनिक

काठमाडौं — गायक अनु चौधरीको स्वरमा नयाँ तीज गीत ‘शिरफुलको चल्ती हरायो’ सार्वजनिक भएको छ। राधा पौडेलको शब्द र पुष्कर सुनुवारको संगीत संयोजन तथा एरेञ्जमा तयार भएको यस गीतको रेकर्डिङ मेलोडी नेपाल स्टुडियोमा गरिएको हो। गीतको मिक्सिङ तथा मास्टरिङ बिप्लव अधिकारीले गरेका छन्।

गीतको भिडियोमा प्रतिमा शर्मा, स्तुती मिश्र पौडेल, बिष्णु पौडेल, इन्दु श्रेष्ठ, निर्मला भट्ट, हिमा थापा, बिन शर्मा, सुष्मा ढकाल मरहठ्ठा, भवानी देवी गौतम, सन्त्वना खड्का, रूपा केसी, ग्यानु कार्की, प्रतिमा कार्की, ग्यानु काफ्ले, सत्यम् भण्डारी, सबिता आचार्य, अम्बिका बुढाथोकी, इन्दिरा अर्याल, सुष्मा भट्टराई, शान्ता क्षेत्री, शान्ति आचार्य खरेल, अमृता भण्डारी, सुजिता भण्डारी, सुरक्षा कार्की, सबिता थापालिया, अङ्किता काफ्ले, सुमित्रा अर्याल, तारा पौडेल, पार्वती घले थापालिया, अजाल दहाल, प्रभा राणाभाट, अनुजा दहाल, दीपा पनेरु खरेल, गीता सिंह कार्की, ममता खड्का, प्रतिमा लामिछाने, पुनम साह, रमा अधिकारी पौडेल, शर्मिला पौडेल, कृष्ण खरेल, मिश्र भण्डारी, सुम्पा पौडेल, प्रतिमा दवाडी, विमला बोहरा, कृष्ण भण्डारी, शर्मिला श्रेष्ठ, भगवती ढकाल, शान्ति सापकोटा कोईराला, तृप्ति कोईराला सापकोटा, नारत्तम अधिकारी वाग्ले, रविकला पोखरेल, पार्वती कोईराला, कल्पना पौडेल, शोभा पौडेल, ईश्वरी लामिछाने, इन्दिरा लामिछाने, कविया खड्का अधिकारी, लक्ष्मी क्षेत्री भञ्जरा लगायत दर्जनौँ कलाकारले अभिनय गरेका छन्।

नृत्यमा सोनिषा भट्टराई पौडेल, रुक्मिणी शर्मा, संस्कृति प्रधान, शान्ता ओस्ती, शिला अधिकारी शर्मा, मुक्तिका तामाङ, मुस्कान खड्का, विष्णु पौडेल, शुभेच्छा अर्याल पाठक, बिन्जु थापा, विद्या बास्तोला लगायतले सहभागिता जनाएका छन्। कोरियोग्राफी संस्कृति प्रधान र मुस्कान खड्काले गरेका हुन्।

गीतको पोस्टर कला बिष्णु खड्काले तयार पारेका हुन् भने भिडियोको छायांकन तथा निर्देशन राज श्रेष्ठले गरेका छन्। भिडियो निर्माणको कार्यस्थल सफल मोशन पिक्चर्स रहेको छ। गीत निर्माणमा कृष्ण पौडेल, उत्तम पौडेल, उज्ज्वल पौडेलको विशेष सहयोग रहेको छ भने विशेष धन्यवाद सुदन गैरेलाई दिइएको छ।

यो तीज गीतमा परम्परागत र आधुनिक शैलीको मिश्रण देख्न सकिन्छ, जसले महिलाहरूको उत्सवलाई रंगीन र रमाइलो बनाउने अपेक्षा गरिएको छ।

तीजको गीत : संस्कार धान्ने हो – राधा पौडेल, अमेरिका

यो रमाइलो बेलामा दिदी बैनी भएर
तीज पर्व मनाउने हो गीत गाएर ।
यो बेलामा दाजुभाइ र माइती आउँछन् लिनलाई
खुशी हुँदै जान्छौं हामी दुवै दिनलाई ।
जन्मिएर हुर्किएको माइतीघर गइन्छ।
चाम्रे पकाई आधी रातमा दर खाइन्छ ।
राम्रा राम्रा गीत बनाई गाउँ घरमा गाइन्छ
बिकृतिका चलन जति पाखा लाइन्छ ।
मैना भरी तीज हुन्न दुई, चार दिन मान्ने हो
चाड पर्वको मर्म बुझी संस्कार धान्ने हो ।
तीजको दिनमा ब्रत बस्छन नारीले
पञ्चमीको पूजा पनि लाउँछौँ हामीले ।
आफ्नै गीत गाउने हो दुःख सुख जोडेर
उठ नारी कुरितिको बन्धन तोडेर ।