काठमाडौं, मंसिर ५। ऐतिहासिक कथावस्तु, नेपाली मौलिकता र चर्चित कलाकारहरूको सशक्त अभिनय समेटिएको बहुप्रतीक्षित नेपाली चलचित्र ‘सिन्दुरे जात्रा’ यतिबेला चर्चामा छ। ऐतिहासिक सफलता हासिल गरेको चलचित्र ‘पूर्णबहादुरको सारङ्गी’का निर्देशक सरोज पौडेलको निर्देशनमा बनेको यो चलचित्र आगामी मंसिर १८ गते अर्थात् डिसेम्बर ४, २०२६ देखि नेपालसहित विदेशका विभिन्न स्थानमा प्रदर्शन हुने तयारीमा छ।
नेम महर्जनको निर्माणमा तयार भएको चलचित्रमा कार्यकारी निर्माताका दिनेश खड्का, सहनिर्माता राकेश खड्का, श्याम मगर, सुमन रञ्जित रहेका छन्। अनिश अधिकारी लाइन प्रोड्युसर रहेको चलचित्रको लेखन सबिन अधिकारी र वसन्त न्यौपानेले गरेका हुन्।
चलचित्रमा ‘पूर्णबहादुरको सारङ्गी’बाट व्यापक चर्चा कमाएका अभिनेता विजय बराल र अभिनेत्री अञ्जना बराइलीसँगै लोकप्रिय कलाकारहरु विनोद न्यौपाने, रामप्रसाद खनाल, देशभक्त खनाल, राकेश खडका, अनिता गिरी, रजनी गुरुङ, युना खड्का, उषा खड्गी, कमलमणि नेपाल, भोलाराज सापकोटा, लोकेन्द्र लेखक, विकास जोशी, हिउँवाला गौतम, विनोद परियार र विजय बस्याललगायत कलाकारहरूको अभिनय रहेको छ।
चलचित्रको प्राविधिक तथा सिर्जनात्मक पक्षमा पनि अनुभवी व्यक्तिहरूको सहभागिता छ। विशाल घिमिरे क्रिएटिभ निर्देशक, शैलेश खत्री क्रिएटिभ प्रोड्युसर, बाबु श्रेष्ठ छायाकार, सुरेन्द्र पौडेल सम्पादक, प्रशान्त सिवाकोटी सङ्गीतकार र साहस शाक्य पार्श्व सङ्गीतकारका रूपमा रहेका छन्। त्यसैगरी गणेश अछामी, रिचवेद, सन्ध्या राना, सन्तोष मल्ल, कुशल खड्का, समर चौलागाईं, सुप्रिम पराजुली, नकुल खड्का, नारायण गैरे, उत्तम न्यौपाने, तौवा स्टुडियो र सुरक्षा भट्टराईलगायतको पनि चलचित्र निर्माणका विभिन्न पक्षमा योगदान रहेको छ।
यसैबीच चलचित्रको गीत ‘बांसैको सुप्लाके’ सार्वजनिक भएसँगै चर्चित बनेको छ। गीतको आकर्षक नृत्य निर्देशन चर्चित कोरियोग्राफर स्मृति तिमिल्सिनाले गरेकी छन्। गीतले चलचित्रप्रति दर्शकको चासो र उत्सुकता अझ बढाएको निर्माण पक्षको विश्वास छ।
नेपाली समाजको इतिहास, संस्कृति, परम्परा र मौलिक परिवेशलाई कथाको केन्द्रमा राखिएको ‘सिन्दुरे जात्रा’ उत्कृष्ट चलचित्र बनेको निर्माण पक्षको दाबी छ। सफल निर्देशक, अनुभवी निर्माण टोली, लोकप्रिय कलाकारहरूको उपस्थिति र चर्चित गीतका कारण यस चलचित्रलाई दर्शकले उत्सुकतापूर्वक प्रतीक्षा गरिरहेका छन्।
मंसिर १८ गतेदेखि प्रदर्शनमा आउने ‘सिन्दुरे जात्रा’ले नेपाली चलचित्र क्षेत्रमा कस्तो प्रभाव छोड्ला भन्ने विषय अहिले चलचित्रप्रेमीहरूको चासोको केन्द्रमा छ।













प्रतिक्रिया