Washington DC, US : November 17, 2026, Tuesday 08:08 PM

(१० भाषामा अमेरिकाबाट प्रकाशित, निष्पक्ष, स्वतन्त्र, संसारका १७५ भन्दा बढी देशमा पढिने पत्रिका)                                                                              Old Archive > 

ताजा समाचार
|प्रधानमन्त्री बालेन्द्र शाहको भारत भ्रमण र द्विपक्षीय सम्बन्धका आधार|लाइक र भ्युजको पछि दौडिँदा आफ्नो मानवता नै कतै छुटिरहेको त छैन ?|ट्रम्पको फिलिपिन्स भ्रमणपछि विश्वको ध्यान चीनतर्फ|अमेरिकी सांसद इल्हान ओमारमाथिको अनुसन्धानमा नयाँ मोड, गोप्य कागजात सार्वजनिक गर्न अदालतको आदेश|अमेरिकामा “डर्टी बम” आक्रमण गर्ने इरानी धम्की के हो ? गुप्तचरले कस्तो चेतावनी दिए ? ट्रम्प, पुटिन र सी बीचको वार्ता के होला ?|अमेरिका उच्च सुरक्षा सतर्कतामा : वासिङ्टनमा इरानी आक्रमणको आशङ्का|अमेरिकाको राजधानी वासिङ्टन डीसीमा ‘डर्टी बम’ वा रासायनिक आक्रमणको आशङ्का, इरानमाथि अमेरिकी गुप्तचरको गम्भीर निगरानी|अमेरिकामा एकपछि अर्को प्रविधि संकट : ठूला बैंकका अनलाइन सेवा प्रभावित, देशभर हवाई उडान अवरुद्ध, माइक्रोसफ्ट र वर्कडेमा समेत समस्या|अवैध आप्रवासन नियन्त्रण गर्न युरोपका पाँच देशको नयाँ योजना, शरण आवेदन अस्वीकृत भएकाहरूलाई अफ्रिकाको रुवान्डा पठाइने|बीपी कोइरालाको सालिक तोडफोड, शशांकद्वारा घोर भर्त्सना

प्रधानमन्त्री बालेन्द्र शाहको भारत भ्रमण र द्विपक्षीय सम्बन्धका आधार - डा.बालकृष्ण चापागाईं

  NepalMother.com | २ मंसिर २०८३, मंगलवार २०:००

  • प्रधानमन्त्री बालेन्द्र शाह भारत भ्रमणमा जाने चर्चासंगै अनेकौ जिज्ञाशाहरु उत्पन्न भएका छन् । यो भ्रमणले नेपाल र भारतको सम्बन्धलाई परिवर्तित सन्दर्भमा कसरी परिभाषित गर्दछ र द्विपक्षीय हितलाई कसरी फलदायी बनाउन सक्छ ? भन्ने प्रश्न विभिन्न कोणबाट उठेको छ । नेपालको समृद्धिमा दुई छिमेकी मुलुक भारत र चिनसंगको सुमधुर र मैत्री सम्बन्ध अत्यन्तै महत्वपूर्ण हुन्छ । त्यसमा पनि नेपाल भारतको भौगोलिक अवस्था र सामाजिक परिवेशलाई दृष्टिगत गर्दा नेपाल र भारतको सम्बन्ध झनै अटुट देखिन्छ । नेपालका नदीनालाको वहाव क्षेत्र भारततर्फ उन्मुख र परापूर्वकालदेखि नेपालीहरु रोजगारीको सिलसिलामा वा नेपाल र भारतका नागरिकहरुका बीच बैवाहिक सम्बन्ध समेत जोडिदै आएको परिप्रेक्ष्यमा नेपाल र भारतका नागरिकहरु बीचको सुसम्बन्ध प्राचिनकालदेखिको निरन्तरता हो ।
    यसले गर्दा नेपालको आर्थिक उन्नति र समृद्धिमा भारतको महत्वपूर्ण भूमिका रहन्छ भन्ने कुरामा ध्यान पुग्नु जरुरी छ । त्यसैले नेपालको आर्थिक समृद्धिको प्रश्नसंग दुई छिमेकी मुलुक चीन र भारतलाई समान मित्रको रुपमा राखी तद्अनुसारका आािर्थक नीति अवलम्बन गर्नुपर्दछ । यो लेखमा नेपाल भारतको विविध सम्बन्धका आयाम र विशेषताहरुलाई चर्चा र विवेचना गर्दै आगामी यात्राको मार्ग प्रस्तुत गरिएको छ ।
    पछिल्लो समय भारतमा नरेन्द्र मोदीको उदय भएपछि नेपाल – भारत सम्बन्धमा झनै प्रगाढ बन्दै गएको महसुस भइरहेको थियो । आफू प्रधानमन्त्री हुने वित्तिकै विगतको भन्दा बढी सहयोग नेपाललाई हुनेछ भन्ने अभिव्यक्ति मोदीले दिनुभएको सन्दर्भलाई नेपाली जनताले अत्यन्त महत्वका साथ लिएका थिए । मोदीको कार्यकालमा अवश्य पनि नेपाल भारत सम्बन्ध अरु दरिलो र प्रगाढ बन्ने भन्ने कुरामा नेपाली जनता विश्वस्त थिए । नेपालको हितमा भारतले के गर्दा फलदायी हुन्छ त्यसको मूर्त प्रस्ताव आउनु प¥यो भनेर मोदीले स्पष्ट रुपमा भन्नु भएको पनि हामी सबैमा विदितै छ ।
    नेपाल — भारत सम्बन्धको कुरा गर्दा जुनसुकै सन्दर्भमा पनि कुनै न कुनै प्रकारले जोडिएर आउने गर्छ । त्यसो त दुई देशको सिमा रेखा नकोरिंदासम्मको अवस्थामा यस क्षेत्रको ठूलो भूभागलाई भारत वर्षको रुपमा लिइने गरिन्थ्यो । सुगौली सन्धि अघिको नेपाल निकै ठूलो थियो । त्यसपछिको नेपाली भूभाग भौगोलिक दृष्टिले स्वाधीन र स्वतन्त्र रह्यो । त्यसयता नेपालमा शासन सञ्चालनका अनेकौँ रुपहरुमा आए तापनि नेपाल भारतको सदियौँ देखिको परम्परागत सम्बन्ध कायम रहँदै आएको अवस्था हो ।
    विशेषगरी २००७ सालमा नेपालमा एकतन्त्रीय राणा शासनको अन्त्य गरी प्रजातन्त्रको स्थापना गर्नमा भारतले नेपाललाई गरेको सहयोगलाई पनि नेपाली जनताले स्मरण गरिरहेका छन् । त्यस्तै गरी भारतीय स्वतन्त्रता संग्राममा नेपालीले गरेको सहयोग पनि भारतीय जनताले स्मरण गरिरहेका छन् । यसका साथै नेपाली जनताले स्वतः स्फूर्त र कतिपय नेपाली युवाहरु भारतीय सेनामा रहेर भारतको स्वाधीनता र स्वतन्त्रताको आन्दोलनमा खेलेको भूमिका पनि महत्वपूर्ण रहेको छ । त्यस्तै भारतले नेपालको शिक्षा, स्वस्थ्य, सडक, पर्यटन, विद्युत् लगायतका पूर्वाधार निर्माण तथा विकासमा खेलेको भूमिका पनि महत्वपूर्ण र स्मरणीय रहीआएको छ । विगतदेखिको नेपाल भारतको सम्बन्ध सुमध्र रही आएता पनि नेपाल र भारतको राजनैतिक अवस्था र परिवर्तनसँगै त्यसको सापेक्षतामा नेपाल भारतको सम्बन्धलाई पुनः परिभाषित गर्ने सन्दर्भमा विभिन्न मतहरु देखा परेको पाइन्छ ।
    पृथ्वीनारायण शाहकालीन नेपाल भारत सम्बन्ध, राणाकालीन नेपाल भारत सम्बन्ध, निरंकुश पञ्चायतकालीन नेपाल भारत सम्बन्ध, २०४६ देखि २०६२ सम्मको संवैधानिक राजतन्त्र र बहुदलीय प्रजातन्त्रकालीन नेपाल — भारत सम्बन्ध र २०६३ पछिको संघीय लोकतान्त्रिक गणतन्त्रकालीन नेपाल भारत सम्बन्ध तथा दोस्रो संविधान सभाबाट २०७२ असोज ३ गते नयाँ संविधान जारी भएपछिको अवस्था र २०८२ भदौ २३ मा भएको जेनजी विद्रोह पश्चात बनेका सरकारले चालेका कदमहरुले नयाँ परिवेश सिर्जना गरेको अवस्था छ । सूचना र प्रविधिमा आएको चमत्कारिक विकास र विश्वव्यापीकरणले कतिपय परम्परागत कुराहरुमा जर्वजस्ती परिवर्तन ल्याएको छ ।
    नेपालमा २०४६/०४७ सालको आन्दोलनले बहुदलीय व्यवस्थाको पुनःस्थापना गरेयता शासन सञ्चालनमा अनेकौं प्रकारका उतारचढाव आए तापनि विश्व उदारीकरणको लहरसंगै सूचना प्रविधिको विकास, सञ्चार, शिक्षा र स्वास्थ्यको क्षेत्रमा प्रगति हुँदै गएको मान्नुपर्छ ।
    धार्मिक दृष्टिले त नेपाल भारत सम्बन्ध एक अर्को बीच कहिल्यै पनि टुट्न र छुट्न नसक्ने गरी जोडिएका छन् । मुक्तिनाथदेखि रामेश्वरम् आदि तिर्थ स्थलहरु नेपाल र भारतका जनताका आस्थासंग जोडिएका विषयहरु हुन् । त्यस्तैगरी अन्य धार्मिकस्थलहरु, ऐतिहासिक महत्वमा स्थानहरु, साँस्कृतिक पर्वहरु, सामाजिक सम्बन्धहरु पारस्परिक राजनैतिक सम्बन्ध, र आर्थिक सम्बन्धहरुले पनि नेपाल —भारत सम्बन्धलाई जोड्ने काम गरेका छन् । बुद्धको जन्मस्थल लुम्बिनी, हिन्दुहरुको पवित्र धाम पशुपतिनाथ, जनकपुरकी सीता र आयोध्याका रामको विवाह सम्बन्ध आदिले अहिले पनि विगतदेखि नै नेपाल भारतबीचको मैत्री सम्बन्धको अनुपम उदाहरण हामीसँग रहेको छ । यो सम्बन्ध नेपाल र भारत बीचको कहिल्यै टुट्न र छुट्न नसकिने सम्बन्ध हुन्, जसले हामीलाई जहिले पनि भारतीय जनतासँगको भावनात्मक एकतालाई प्रगाढ बनाइ रहेको छ ।

नेपाल—भारत बीच रहेको सदियौँदेखिको खुल्ला सीमाले दुबै मुलुकका नागरिकहरुको लागि सहज रुपमा आवतजावत हुनुले पनि स्वाभाविक रुपमा अन्य मुलुकसँगको सम्बन्ध भन्दा नेपाल—भारत सम्बन्धका केही फरक र मौलिक विशेषताहरु रहँदै आएको छ । खुल्ला सीमाको सकारात्मक पक्ष एकाति देखिन्छ भने अर्काेतिर सुरक्षा, मानव बेचबिखन, लागू पदार्थ ओसारपोसार, चोरी तस्करी जस्ता समस्याहरुको पनि समाना गर्नु परिरहेको अवस्था बारे पनि हामीलाई विदितै छ ।
नेपालमा साना ठूला गरी झण्डै ६ हजार नदीनालाहरु रहेका छन् । जसबाट साना जलविद्युत् आयोजनाहरु सञ्चबलन गरेर नेपाली जनताको ऊर्जाको आवश्यकतालाई पूरा गर्न सकिने प्रशस्त आधारहरु भएता पनि जल उपभोगका सन्दर्भमा नेपाल—भारत बीचको सम्बन्धलाई समानताको आधारमा साझा हित हुने गरी मैत्री रुपमा संयुक्त आयोजनाहरु सञ्चालन गर्न सक्ने हो भने दबै देशले ठूला लाभ लिन सकने अवस्था देखिन्छ । यसका लागि विगत लामो समयदेखि प्रयत्न हुँदै आएको पनि पाइन्छ ।
नेपाल प्राकृतिक वैभव र सुन्दरताका दृष्टिले अत्यन्तै सम्पन्न भए पनि एउटा भूपरिवेष्ठित राष्ट्र भएको हुनाले अन्तराष्ट्रिय जगतसँगको व्यापार र पारवाहनका लागि द्धिपक्षीय सन्धि सम्झौता गर्नैपर्र्ने अवस्था रहेको छ । विश्वव्यापी रुपमै सूचना प्रविधि र विकासका नयाँ – नयाँ मोडेलमा आएको युगान्तकारी परिवर्तनका सन्दर्भमा नेपाल भारतका साथै विश्वका अन्य मुलुकहरुसँगको सम्बन्धमा पनि नयाँ परिभाषा आवश्यक छ । दुबै देश बिचका सवारी साधनहरुको आवतजावतका सन्दर्भमा पछिल्लो समयमा समस्याहरु देखिएका छन् ।
नेपालको आर्थिक समृद्धिका लागि भारतले मित्रवत सहयोग र लगानी गर्नुपर्ने आवश्यकता छ । यदि नेपालको पूर्वाधार विकासमा भारतले पर्याप्त लगानी गरेको अवस्थामा त्यसको फाइदा भारतलाई पनि हुनेछ । नेपालको जलस्रोतको विकास तथा अन्य पूर्वाधारको क्षेत्रमा भारतीय लगानी आउदा त्यसले दुवै देशलाई फाइदा हुन्छ । नेपाल आर्थिक रुपले समृद्ध भएमा नेपाल र भारतका जनता बीचको सम्बन्धहरु सुमधुर र प्रगाढ हुनेछ । दुई मुलुकको आर्थिक हैसियत समान रुपमा बढ्दै जाँदा त्यहाँ कुनै प्रकारको तनावको अवस्था हुँदैन ।
अतः उल्लेखित विषयहरुमा ध्यान दिई नेपाल भारत सम्बन्धलाई प्रगाढ बनाउँदै लैजान आवश्यक छ । पछिल्लो समयमा नेपालमा संघीय लोकतान्त्रिक गणतन्त्रमा आधारित संविधान सभाबाट मुल संविधान जारी भएपछि मुलुकमा शान्ति र विकासको नयाँ फड्को मार्ने छ भन्ने अपेक्षा गरिरहेको सन्दर्भमा तराई, मधेश र थरुहट आन्दोलनसंगै नेपाल भारत सम्बन्धमा पनि नयाँ समस्या देखा परिरहेको छ । भारतबाट आयात गरिने डिजेल, पेट्रोल, ग्याँसलगायतका नेपाली जनताका लागि अत्यावश्यक, उपभोग्य वस्तुहरुको निर्वाध आयात अवरुद्ध हुँदा अत्यन्तै ठूलो समस्या सिर्जना भएको छ । यसले गर्दा सदियौंदेखि कायम रहिआएको नेपाल भारत सम्बन्धमा पनि चिसो पसेको छ । कुन कारणले यो परिस्थिति निर्माण भयो यस बारेमा गम्भीर अध्ययन र विश्लेषणको खाँचो छ । नेपाल भारत सम्बन्ध सुमधुर हुनैपर्छ । यसको अर्को विकल्प छैन ।
यो कुरालाई दुबै देशका सरकार र जनताले समयमै समाधान खोज्नु पर्दछ । यस दिशातर्फ नेपाल सरकार र भारत सरकार बीच कुटनीतिक तबरमा आपसी सम्वाद भई दुबै देशका सरकार बीच राम्रो र विश्वसनीय समझदारीको साथ बदलिदो परिस्थिति अनुसार नेपाल भारत सम्बन्धलाई पुनः परिभाषित गर्दै अघि बढ्नुपर्ने आवश्यकता देखिन्छ ।
नेपालमा प्रजातन्त्र, लोकतन्त्र, संघीय लोकतान्त्रिक गणतन्त्रको स्थापना र नयाँ संविधान जारी हुँदा छिमेकी मुलुकसंगको सम्बन्ध कस्तो हुने ? भन्ने विषयमा पनि स्वभाविक रुपमा अनेकौ प्रश्नहरु उठ्दा रहेछन् । नेपालको राजनीतिक व्यवस्था र नेतृत्व कस्को हुने ? भन्ने विषयमा पनि छिमेकी मुलुकको चासो देखिदो रहेछ । यसलाई हामीले वि.सं. २००७ सालदेखि २०१७, २०३६, २०४६ २०६२, २०७२ र २०८२ सम्मका राजनीतिक घटनाक्रमहरुलाई हेर्दा र विश्लेषण गर्दा छिमेकी मुलुकमात्र होइन कि विश्वका विभिन्न मुलुकहरुको गम्भीर चासो देखिन्छ । पछिल्लो समय २०८२ भदौ २३ गतेको जेनजी विद्रोह र २४ गतेको विध्वंशात्मक घटनाबाट केपी शर्मा ओली नेतृत्वको सरकार विघटन भई सुशीला कार्की नेतृत्वको सरकार गठनपश्चात परिवर्तित सन्दर्भ अनुसार प्रतिनिधिसभाको निर्वाचन सम्पन्न र राष्ट्रिय स्वतन्त्र पार्टीको नेतृत्वमा प्रधानमन्त्रीमा बालेन्द्र शाह निर्वाचित भई नयाँ सरकार बनेपछि फेरि नेपालको छिमेकी र अन्तराष्ट्रिय जगत्संगको सम्बन्धमा नयाँ प्रश्न एवं जिज्ञाशा उत्पन्न भएको छ । जेनजी विद्रोहपश्चात नेपालको आन्तरिक मामिलामाथि छिमेकी राष्ट्र तथा विश्वका शक्तिशाली मुलुकहरुको दृष्टिकोणका बारेमा पनि विभिन्न प्रश्नहरु उठ्ने गरेका छन् ।
नेपालको राजनीतिक स्थायित्व, स्थिरता र शान्तिका बारेमा नेपाली र विश्व समुदायको चासो बढिरहेको सन्दर्भमा नेपालका राजनीतिक दल, सचेत अगुवा नागरिक तथा जनसमुदाय कसरी अगाडि बढ्ने ? भन्ने प्रश्न चुनौतीको रुपमा रहेको छ । यस घडीमा लोकतान्त्रिक मूल्य र मान्यतालाई मुख्य आधारको रुपमा लिई राजनीतिक दलहरुले नै सत्ताको बागडोर हातमा लिई जनभावना अनुसार शासन सञ्चालन गर्नु नै उपयुक्त हुन्छ । त्यसैले यतिबेला जेनजी विद्रोह, आम जनताका समग्र माग र राष्ट्रको आवश्यकतालाई दृष्टिगत गरी सर्वपक्षीय सहमतिका आधारमा अविलम्ब संविधानको विधिसम्मत संशोधनको मार्ग अवलम्बन गर्नु आवश्यक छ ।
भवतु सब्ब मंगलम् ।

भगवान श्री कृष्णको भजन सुनौं, हेरौं, मनन गरौँ !

https://www.youtube.com/@RamPrasadKhanal

 

Visit www.Americaandworld.com too:

America & World

***

अन्तर्राष्ट्रिय पत्रकार महासङ्घ प्रधान कार्यालय अमेरिका

 सूचना !

हामीले अन्तर्राष्ट्रिय पत्रकार महासङ्घ प्रधान कार्यालय अमेरिकाको नेपाल र जापानमा शाखा बिस्तार गरिसकेका छौं। अब अन्तर्राष्ट्रिय पत्रकार महासङ्घ अमेरिकाले तल उल्लेखित निम्न देश हरूमा तत्काल आफ्ना शाखाहरू बिस्तार गर्ने योजना अघि सारेको छ । ती देशमा रहनुभएका पत्रकार मित्रहरू मिडियाकर्मी मित्रहरू यथाशीघ्र हामीलाई हाम्रो इमेल मा सम्पर्क गर्नुहुन विनम्र अनुरोध गर्दछौँ ।
अस्ट्रेलिया
क्यानडा
बेलायत
युरोपियन युनियन अन्तरगतका सबै देशहरू
दक्षिण कोरिया
मलेसिया
कतार
साउद अरेबिया
भारत
चीन लगायतका विभिन्न देशहरु
नोट : शाखा गठन गर्नका लागि कम्तीमा सात जना र बढीमा १५ जना सम्म पत्रकार हरू हुनुपर्ने छ । अहिले पनि पत्रकारिता गरिरहनुभएका , रेडियो टिभी पत्रपत्रिका अनलाइन वा पत्रकारिताको परिभाषा भित्र पर्ने जुन सुकै सञ्चार माध्यममा काम गरिरहेको वा स्वतन्त्र रूपमा लेखन र पत्रकारिता गरिरहेका हरू मात्र शाखामा समावेश हुन सक्ने विधान मा व्यवस्था छ । पत्रकार नेपाली वा विदेश जो कोही पनि समावेश हुन पाउने छन् । सके सम्म आफू रहेको देशमा माथि उल्लेख भए अनुसार पत्रकार हरू सँग सम्पर्क गर्न सक्ने सम्पर्क वा नेटवर्क भएका पत्रकार मित्रहरूलाई सम्पर्कका लागि आह्वान गरिन्छ । सम्पर्क गर्दा हामीलाई इमेल वा इन्बक्स गर्न सक्नुहुने छ । धन्यवाद ।
हाम्रो इमेल : [email protected] ,
Web: www.fijahq.com
हाम्रो इमेल : [email protected] ,
Web: www.fijahq.com

प्रतिक्रिया

आबस्यकता !

नेपाल मदर  डट कमका लागि विभिन्न देशहरुमा सम्बाददाताको आबस्यकता छ । इच्छुकले हाम्रो इमेलमा आफ्नो बायोडाटा, फोटो सहित सम्पर्क गर्न सक्नुहुन्छ  ।

नेपाल मदर हाम्रो होइन तपाईँ पाठकहरू को हो, त्यसैले.....
१- समाचार बन्न लायक कुनै पनि विषय बस्तु भएमा,
२- कुनै पनि विषय बस्तुमा लेख रचना भएमा,
३- कुनै पनि सङ्घ संस्था वा सङ्गठनका प्रेस विज्ञप्तिहरू भएमा,
४- कहीँ कतै कुनै जन चासो र सरोकारको विषयको भिडियो वा क्लिप भएमा,
५- अन्तर्वार्ता बन्न लायक कुनै व्यक्तिको कुराकानी वा भनाइ भएमा (लिखित वा भिडियो दुवै)
हामीलाई तल दिइएका दुई इमेल मा इमेल गरी पठाउन सक्नुहुन्छ । प्रकाशन योग्य कुनै पनि कुरा हामीले प्रकाशन गर्ने छौँ ।
Email:
[email protected]
[email protected]
प्रधान कार्यालय: Winchester Virginia अमेरिका
नेपाल कार्यालय: नयाँ बानेश्वर काठमाडौं
हाम्रो बारेमा
International Media & Entertainment House US LLC का लागि अमेरिकाबाट प्रकाशित हुने, एउटा क्लिकमा सबैथोक छुने,
(१० भाषामा अमेरिकाबाट प्रकाशित, निष्पक्ष, स्वतन्त्र, संसारका १७५ भन्दा बढी देशमा पढिने डिजिटल पत्रिका)

Our Team:

हाम्रो समूह :
प्रधान सम्पादक तथा प्रकाशक : रामप्रसाद खनाल
टंक पन्त - अतिथि सम्पादक
कार्यकारी सम्पादक – ऋषिराम खनाल,
नेपाल ब्युरो चिफ – युवराज भण्डारी
सल्लाहकारहरु: पुरुषोत्तम दाहाल, डा. बालकृष्ण चापागाईं, राजन कार्की, बसन्तध्वज जोशी
प्रबिधी कोअर्डिनेटर : ई कुमार श्रेष्ठ, कानूनी सल्लाहकार: अधिबक्ता बिष्णु भट्टराई
प्रमुख कार्यकारी अधिकृत – ज्ञानन खनाल, कला सम्पादक – सुस्मा खनाल, प्रबन्ध सम्पादक – तीर्था पौडेल
अस्ट्रेलिया प्रतिनिधि – अमर खनाल, क्यानाडा प्रतिनिधि – चिरन पौडेल,
भारत प्रतिनिधि – माधव पाण्डे, UAE प्रतिनिधि – रबी न्यौपाने,
बेलायत प्रतिनिधि – स्पन्दन बिनोद, फ्रान्स प्रतिनिधि – प्रसान्त उप्रेती “भुइँमान्छे”
सम्पर्क
प्रधान कार्यालय:
Winchester Virginia, अमेरिका

नेपाल कार्यालय:
नयाँ बानेश्वर काठमाडौं

Email:
NepalMotherAmerica@gmail।com
rampdkhanal@gmail।com

(राजनीतिबाट पूर्ण अलग, स्वतन्त्र, नाफा नकमाउने, नेपाली अमेरिकन, एशियन अमेरिकन लगायत समस्त समुदायको स्वयमसेबक र १७५ देशमा पढिने साझा डिजिटल पत्रिका हो नेपाल मदर डट कम)

www.nepalmother.com

Ram Prasad Khanal
Editor in Chief and Publisher

Email – [email protected],
[email protected]

नोट : हामी नेपाल मदर डट कमलाइ १० भाषामा प्रकाशन गरिरहेका छौं । यद्यपी विभिन्न भाषाको Google Translation सबै शुद्ध नहुन सक्छ । यदी कहीं कतै भाषाका कारण कुनै गडबडी भइ कुनै सामग्रीको अर्थको अनर्थ हुन गएमा हामीले त्यसलाई सच्च्याउने प्रयास गर्ने छौं र त्यस्तो अबस्थामा सदैब क्षमा याचना गर्छौं - सम्पादक
**********

कतार घुम्ने होइन त ?

कतार घुम्ने होइन त ?
कतार घुम्न अलग ट्रिप बनाउन पनि पर्दैन, ट्रान्जिटमा रहँदा पनि कतार घुमाउने ब्यबस्था !

रामप्रसाद खनालका गीत, गजल, कविता र भिडियोहरु
रामप्रसाद खनालका गीत, गजल, कविता, भिडियोहरु र म्युजिक ट्र्याकका लागि माथि फोटोमा क्लिक गर्न सक्नुहुन्छ ।