लस एन्जलसमा आप्रवासन छापामारीविरुद्धको प्रदर्शन तेस्रो दिन पनि जारी, प्रहरीले Downtown क्षेत्रलाई “गैरकानुनी भेला क्षेत्र” घोषणा गर्‍यो

लस एन्जलस — लस एन्जलसमा आप्रवासन छापामारी (immigration raids) विरुद्धको विरोध प्रदर्शन तेस्रो दिनमा प्रवेश गर्दा स्थिति झन् तनावपूर्ण बन्दै गएको छ। प्रहरीले Downtown LA लाई ‘गैरकानुनी भेला क्षेत्र’ (unlawful assembly) घोषणा गरेको छ।

प्रदर्शनका क्रममा केही सवारीसाधनमा आगजनी गरिएको छ भने पसलहरुमा लुटपाट भएको रिपोर्टहरु आएका छन्।

एक जना बेलायती फोटोग्राफरलाई स्पन्ज बुलेट (sponge bullet) लाग्दा गम्भीर घाइते भई शल्यक्रिया गर्नुपरेको छ भने एक अस्ट्रेलियाली पत्रकारलाई रिपोर्टिङको क्रममा ‘non-lethal’ गोली लागेको जनाइएको छ।

ट्रम्पको प्रतिकृया:

 यी प्रदर्शनहरुले राष्ट्रपति डोनाल्ड ट्रम्पलाई बामपन्थी अराजकता (left-wing lawlessness) नियन्त्रण गर्न राष्ट्रपति अधिकार प्रयोग गर्ने उद्घोषलाई कार्यान्वयन गर्ने अवसर दिएको छ।

राष्ट्रपति ट्रम्पले यसै सन्दर्भमा क्यालिफोर्नियाका गभर्नर ग्याभिन न्यूसमको इच्छाविपरीत राष्ट्रिय सुरक्षाफौज (National Guard) तैनाथ गरिसकेका छन्।

🔴 राष्ट्रपति ट्रम्पको आदेशमा २,००० नेशनल गार्ड तैनाथ

२०२५ जुन ८ आइतबारदेखि लस एन्जलसमा आप्रवासन छापामारीविरुद्ध चर्किएको प्रदर्शन रोक्न राष्ट्रपति डोनाल्ड ट्रम्पको आदेशमा २,००० जना नेशनल गार्ड सैनिकहरू शहरमा तैनाथ गरिएका छन्। एडवर्ड आर. रोयबाल संघीय भवन वरिपरि व्यापक सुरक्षाकर्मीको उपस्थिति देखिएको छ।

व्हाइट हाउसबाट जारी गरिएको ज्ञापनमा भनिएको छ — “हिंसात्मक प्रदर्शनले संघीय आप्रवासन थुनुवा केन्द्रहरू र अन्य संघीय सम्पत्तिमा प्रत्यक्ष खतरा र क्षति पुर्‍याएको” भन्दै नेशनल गार्ड परिचालन गरिएको हो।

ज्ञापनमा अझ भनिएको छ, “कानून कार्यान्वयनमा बाधा पुर्‍याउने खालका प्रदर्शनहरूलाई सरकारको अधिकारविरुद्धको विद्रोहको रूपमा लिन सकिन्छ।”

राष्ट्रिय सुरक्षाफौजलाई प्रारम्भमा ६० दिनको लागि तैनाथ गरिएको हो, तर रक्षा मन्त्रीको विवेकमा यो अवधि लम्बिन सक्नेछ।

🔸 अन्य सैन्य बल पनि प्रयोग गर्न सकिनेछ

स्मरण रहोस्, राष्ट्रपति ट्रम्पले आवश्यक परे यूएस मरीन कर्प्स जस्ता अन्य नियमित सैन्य बल पनि प्रयोग गर्ने संकेत गरिसकेका छन्। ज्ञापनमा रक्षा मन्त्री पिट हेगसेथले थप सैन्य सहयोग जुटाउन सक्ने अधिकारसमेत दिइएको छ।

🔵 LAPD प्रमुखको भनाइ: “हामी आप्रवासन नियन्त्रणमा संलग्न हुन सक्दैनौं”

लस एन्जलस प्रहरी प्रमुख जिम म्याकडोनेलले प्रदर्शन नियन्त्रणमा ढिलाइ भएको आरोपको जवाफमा भने — “हामी संघीय आप्रवासन छानबिनमा कुनै भूमिका खेल्न सक्दैनौं।”

क्यालिफोर्नियाको ‘California Values Act’ अनुसार स्थानीय प्रहरी र राज्य निकायले संघीय आप्रवासन एजेन्सीलाई सहयोग गर्न नपाउने प्रावधान छ।

🟡 ट्रम्प यो लडाइँको लागि तयार थिए — पत्रकार एन्थोनी ज़र्चर

बीबीसीका उत्तर अमेरिका संवाददाता एन्थोनी ज़र्चरका अनुसार, ट्रम्पले विगतको चुनावी अभियानमै ‘बायाँपन्थी अराजकता’ सहन नदिने बताएका थिए। क्यालिफोर्नियामा शनिबार रातिको आप्रवासनविरोधी प्रदर्शनले उनलाई त्यो प्रतिबद्धता कार्यान्वयन गर्न अवसर दिएको हो।

यद्यपि LAPD ले प्रदर्शनहरू प्रायः शान्तिपूर्ण रहेको बताएको थियो, ट्रम्प प्रशासनले ‘स्थानीय प्रहरी ढिलो पुगे’ भन्ने आरोप लगाएको छ।

आइतबार बिहानसम्मै राष्ट्रपति ट्रम्पले “शान्ति फर्किएको” भन्दै नेशनल गार्डलाई धन्यवाद दिएका थिए – गार्डले अझ पूर्ण रूपमा कार्यभार सम्हाल्न नपाउँदै।

🔴 ट्रम्पका पूर्वसल्लाहकार: “राष्ट्रपति कानुन कार्यान्वयन गर्दैछन्”

ट्रम्पको २०१६ प्रचार अभियानका रणनीतिकार स्याम ननबर्गले भने — “यी मानिस (अवैध आप्रवासी) यो देशमा बस्न पाउने अधिकार राख्दैनन्। यो विषय राष्ट्रपति ट्रम्पको जितको मुख्य कारण थियो।”

क्यालिफोर्नियाले आप्रवासन निकायसँग असहयोग गरेर आफू ‘कानुनी अराजकता’को अग्रमोर्चामा रहेको प्रमाण दिइरहेको उनले आरोप लगाए।

गभर्नर न्यूसमको आपत्ति: “गैरकानुनी र अनैतिक कदम”

क्यालिफोर्नियाका गभर्नर ग्याभिन न्यूसमले ट्रम्पको नेशनल गार्ड तैनाथीलाई ‘गैरकानुनी’ र ‘अनैतिक’ कार्य भन्दै कानुनी चुनौती दिने चेतावनी दिइसकेका छन्।

🟥 सान फ्रान्सिस्कोमा ६० जना पक्राउ, प्रहरीमाथि आक्रमण

आईसीई कार्यालय अगाडि भएको प्रदर्शनमा उग्र रूप लिएपछि प्रहरीले ‘अवैध भेला’ घोषणा गरेको थियो।

प्रहरीका अनुसार केही प्रदर्शनकारीले आक्रमण, भवनमा तोडफोड, गाडीमा क्षति पुर्‍याएका थिए। ६० जना पक्राउ परेका छन् भने ३ जना अधिकारी घाइते भएका छन्।

सान फ्रान्सिस्कोका मेयर ड्यानियल लुरीले भने, “शान्तिपूर्ण प्रदर्शन सबैको अधिकार हो, तर हिंसा र क्षतिग्रस्त गतिविधि स्वीकार्य छैन।” उनले थपे — “हाम्रो शहरमा योगदान दिने आप्रवासीहरूमाथिको हमला हाम्रो शहरलाई अझ असुरक्षित बनाउँछ।”

अष्ट्रेलियन पत्रकारलाई लस एन्जलसमा रिपोर्टिङ गर्ने क्रममा ‘रबर गोली’ प्रहार

लस एन्जलस — अष्ट्रेलियाको च्यानल नाइनकी पत्रकार लरेन टोमासी (Lauren Tomasi) लस एन्जलसमा जारी आप्रवासनविरोधी प्रदर्शनको प्रत्यक्ष प्रसारण गरिरहेकी बेला सुरक्षाकर्मीले चलाएको रबरको गोली (rubber bullet) लाग्दा घाइते भएकी छिन्।

टोमासीको खुट्टामा नन-लेथल (non-lethal) गोली लागेको थियो। घटनाको भिडियोमा एक सुरक्षाकर्मीले क्यामेरातर्फ फर्केर गोली प्रहार गरेको देखिन्छ, जसपछि टोमासी प्रभावित भएको हो।

🔴 यो घटना प्रत्यक्ष प्रसारणको क्रममा भएको थियो, जसले समाचार संकलनमा रहेका सञ्चारकर्मीहरू पनि जोखिममा रहेको पुष्टि गर्छ।

ग्याभिन न्यूसमको चेतावनी: “मलाई समात्न आउ, मलाई केही फरक पर्दैन”

क्यालिफोर्नियाका गभर्नर ग्याभिन न्यूसमले ट्रम्प प्रशासनका एक वरिष्ठ अधिकारीले उनलाई पक्राउ गर्ने संकेत दिएपछि कडा प्रतिकृया जनाएका छन्।

“ट्रम्पको बोर्डर जारले मलाई बोलेको भरमा पक्राउ गर्ने धम्की दिएको छ। आउ, समात्न आउ। म कतै भाग्दिन। मलाई केही फरक पर्दैन। म क्यालिफोर्नियाको पक्षमा उभिन कहिल्यै रोकिँदैन“, न्यूसमले आफ्नो X (पूर्व ट्विटर) अकाउन्टमा लेखेका छन्।

शनिबार ट्रम्प प्रशासनका “बोर्डर जार” टम होमन (Tom Homan) ले एनबीसी न्यूजसँगको अन्तर्वार्तामा भनेका थिए — “प्रदर्शनका बाबजुद आप्रवासन छापा जारी रहनेछ र यदि कसैले अधिकारीहरूको काममा अवरोध पुर्‍यायो भने उनीहरूलाई पक्राउ गरिन सक्छ।”

होमनले थपे:

“यदि तपाईंले त्यो सीमा नाघ्नु भयो भने, गैरकानुनी आप्रवासीलाई लुकाउनु वा सुरक्षा अधिकारीलाई रोक्नु संघीय अपराध हो — चाहे त्यो कोही निर्वाचित जनप्रतिनिधि नै किन नहोस्।“

हालसम्म उनले कुनै विशिष्ट नेताको नाम भने उल्लेख गरेका छैनन्।

🔴 लस एन्जलसमा लुटपाटका रिपोर्टहरू

लस एन्जलस प्रहरीले जानकारी दिएको छ कि 6th Street र Broadway क्षेत्रका व्यवसायीहरूबाट लुटपाटको रिपोर्ट आइरहेको छ।

LAPD को सेन्ट्रल डिभिजनले X मा लेखेको छ:

“व्यवसायीहरूले पसलहरू लुटिएको सूचना दिएका छन्। प्रहरी टोली अनुसन्धानका लागि घटनास्थलतर्फ जाँदैछ।“