नेपालमा राजा र हिन्दु राष्ट्र कायम गर्न भारतले नचाहे सम्म हुन्न, चाह्यो भने २४ घण्टा पनि लाग्दैन। नेपालमा इतिहास देखि वर्तमान सम्म जे जे भएको छ सबै उतैबाट भएको हो मनन गरौँ। हामीले गरेका हौँ, जनताले आन्दोलन गरेर भएको हो भन्छ कसैले भने त्यो बुझ्न अझै बाँकी रहेछ भन्ने बुझौँ।
नेपाली जनताले न राजा र हिन्दु राष्ट्र फालेका हुन, न ल्याउने हैसियत राख्छन् । कम्युनिस्ट देखि काङ्ग्रेससम्म, मधेसवादी, पुराना देखि नयाँ सम्म धेरैको बिउ उतैको हो। उतैको इशारा र आदेश चल्छ। यत्ति हो कि उतालाई अलिकति दबाब दिन, देखाउनका लागि भने सक्छन् है आन्दोलनको बहानामा । बाँकी भ्रममा नपरौँ।
अर्को कुरा दुख साथ भन्नु पर्छ कि हामी नेपालीहरू प्रति मलाई आफै विश्वास छैन। आफ्नो स्वार्थ सिद्ध गर्न, काँचुली फेर्न, अवसरवादी बन्न हामी नेपालीहरू एक नम्बरका छौँ। नैतिकता, धर्म, विश्वास, चेत भएका हामीहरू भएको भए ओली, प्रचण्ड, देउवा, माकुने, बाबुराम जस्ता नालायकहरु बोकेर, यिनकै पछि लागेर, यिनकै आरती उतारेर आफ्नो जिन्दगी र सन्ततिको भविष्य बर्बाद पार्न र आफ्नै खुट्टामा बन्चरो हान्न सक्दैनथ्यौँ।
म आफू एक हिन्दु / सनातनी तर मलाई हिन्दु / सनातनी हुँ भन्दा लाज लाग्छ कहिले काहीँ, किन कि हामी ८२ प्रतिशत नेपाली हिन्दु भएका भए, हिन्दु धर्म खोसिँदा अहिले सम्म हातमा दही जमाएर किन बस्यौँ ? योगी मनाउनेले यत्रो लामो समय सम्म मोदी मनाउन किन सकेनौँ ?
अझ अर्को गम्भीर प्रश्न छ मेरो त्यो के भने – यी आफूलाई राष्ट्रवादी भन्ने भनाउनेहरू किन एक हुन, मिल्न सक्दैनन् ? भ्यागुताको धार्नी कहिले पुग्ने ?? कोही कसैलाई नमान्ने , आफै ठुला र मपाईँ हुनु पर्ने ? के अबको युग नवराज सुबेदीजीको युग हो ? अब पशुपति शमशेर बाट चल्छ ? तुलसी गिरी र कीर्ति बाबुहरू छान्दा देशको के हबिगत भयो ? राजा कहाँ पुगे ? आज के भइरहेको छ ? अझै पनि चेत आउन्न भने हाम्रो चेत आउने कहिले हो ? योजना र भिजन खोइ ? रोडम्याप खोइ ??
एउटा स्वतन्त्र मान्छे म, कसै सँग लेनादेना छैन राजनीतिक रूपमा तर पनि मलाई मनमा लागेका मनका कुरा राखेँ, रिसानी भए माफ पाउँ। सत्य तितो हुन्छ है !
श्री पशुपतिनाथले हामी सबैको चेत खुलाइदिउन् प्रार्थना गर्दछु । जय भोले !
– रामप्रसाद खनाल
(१० भाषामा अमेरिकाबाट प्रकाशित, निष्पक्ष, स्वतन्त्र, संसारका १७५ भन्दा बढी देशमा पढिने पत्रिका) Old Archive > 
प्रतिक्रिया