यथासिघ्र रिहाइको माग !

अधिवक्ता रादीका चम्लागाईले आफ्ना पति अधिबक्ता स्वागत नेपाललाइ प्रहरीले पक्राउ गरेको जानाकारी दिनुभएको छ ।

वहाले भन्नु भएको छ – “बेलुका ९ बजे हाम्रो अफिसको बाहिरको गेटमा ताल्चा लगाएको अवस्थामा एक्कासी ४/५ जना सादा पोशाकका प्रहरी अफिस कक्षमा प्रवेश गरी चाबी मागी मुल गेटको ताल्चा खोली पुन: १०/ १२ जना सादा पोशाकका प्रहरी साथीहरु हाम्रो ल फर्मको कार्यकक्षमा अनधीकृत रुपमा प्रवेश गरी अधिवक्ता स्वागत नेपाल (भद्रप्रसाद नेपाल) लाई पक्राउ गरी लगेका छन् । मैले भिडियो खिच्न खोज्दा पनि मलाई भिडियो समेत खिच्न नदिई । सेतो भ्यानमा हाली टेकुमा लिएर गएका छन् । म पनि पछि पछि गएँ । प्रहरी कार्यालयमा म पुग्दा मलाई अहिले भेटगर्न दिन मिल्दैन भने पछि म फर्किएकी छु । आज दिनभरी प्राज्ञिक कार्यमा व्यस्त भई साँझ ल फर्ममा आई हामी दुवैजना काम गरिरहेको अवस्थामा कानुन व्यवसायीको कार्यकक्षबाट अधिवक्तालाई पक्राउ गर्नु निन्दनीय कार्य हो । कार्यकक्षबाट कानुन व्यवसायीलाई यसरी धरपकड गर्नु कानुनको ठाडो उलंघन हो । मानव अधिकारको गम्भीर उलंघन हो । यसरी कानुन व्यवसायीलाई कार्यकक्षबाट धरपकड गर्नु कानुनको ठाडो उलंघन हो । राजतन्त्रप्रति आस्था राखेको भरमा आस्थाको बन्दी /राज बन्दी बनाइएका अभियन्ता तथा अधिवक्ता स्वागत नेपाललाई यथासिघ्र रिहाइको माग गर्दछु ।”