जाने मानेका क्रियाशील पत्रकार, नेपाल टेलिभिजनका वरिष्ठ समाचार सम्पादक शालिक सुवेदी ‘नेशनल हेल्थ अवार्ड’ २०८१ बाट सम्मानित भएका छन् । स्वास्थ्य सेवाको पहुँच विस्तारमा पत्रकारिताको योगदानबाट समाजमा सकारात्मक सुधार गरेको भन्दै पत्रकार सुवेदीलाई यस वर्षको नेशनल हेल्थ अवार्डबाट सम्मान गरिएको हो ।

काठमाडौँको कमलादी स्थित नेपाल प्रज्ञा प्रतिष्ठानमा स्वास्थ्य दर्पण मिडिया नेटवर्कको नवौँ वार्षिकोत्सवको अवसरमा आयोजित कार्यक्रममा पूर्व राष्ट्रपति डाक्टर रामवरण यादवले सुवेदीलाई उक्त अवार्ड प्रदान गरे ।

अवार्ड कार्यक्रममा स्वास्थ्य क्षेत्रमा योगदान दिनुहुने नेपालका ७ प्रदेशमा कार्यरत चिकित्सक ,स्वास्थ्यकर्मी ,स्वास्थ्य संस्था , पत्रकार सहित अमेरिका र युरोपमा कार्यरत चिकित्सकसहित २४ जनालाई सम्मानित गरिएको थियो । स्वास्थ्य दर्पण मिडियाले हरेक वर्ष स्वास्थ्य क्षेत्रमा योगदान पुर्‍याउनु हुने, चिकित्सक, प्राध्यापक, स्वास्थ्यकर्मी, तथा पत्रकारलाई सम्मानित गर्दै आएको छ । सुबेदी सहित पुरस्कृत सबै लाई नेपाल मदर डट कमको पनि बधाई ।