समाचार पनि कस्ता कस्ता सुन्नु पर्ने त्यो पनि हाम्रै नेपालमा हेर्नुस त ! जनकपुरबाट काठमाडौंका लागि उडेको बुद्ध एयरको विमानको अगाडिको टायर उड्ने क्रममा जनकपुरमै खसेको समाचार सार्वजनिक भए पछि हवाइ यात्रुहरु आश्चर्यचकित बनेका छन । बेलुका ५ः४५ को उडानका क्रममा अगाडिको एउटा टायर जनकपुरमा नै छुटेको बताइएको छ । तर, विमान त्रिभुवन अन्तर्राष्ट्रिय विमानस्थलमा सुरक्षित रूपमा अवतरण गर्न सफल भएको खबर सुन्दा पशुपतिनाथले यहाँ पनि कल्याण गरेको चर्चा छ । बुद्धको ९ एनएएनएच विमानको अगाडिको टायर उतै छुटेको नेपाल नागरिक उड्डयन प्राधिकरण सूचना अधिकारी ज्ञानेन्द्र भूलले बाटए । उनका अनुसार, सुरक्षित अवतरण गरी पोस्ट फ्लाइट चेक गर्दा अगाडिको नोज ल्यान्डिङ गियरको एउटा टायर नभेटिएको बताए । जनकपुरमा चेक गर्दा भेटिएको र विस्तृत अध्ययन भइरहेको उनले जानकारी दिए । जहाजमा ६२ जना यात्रु थिए । यो समाचार सुन्दा तपाईंलाई कस्तो लाग्यो केही लेख्नुस है ।