ब्लकबस्टर चलचित्र पूर्णबहादुरको सारङ्गीका निर्देशक सरोज पौडेलले चलचित्र “कोशेढुंगा”को  निर्देशन गर्ने भएका छन् । ऐतिहासिक ब्लकबस्टर चलचित्र बनाएका पौडेलले निर्देशन गर्ने यो चलचित्रमा वरिष्ठ रङ्गकर्मी किशोर अनुराग क्रियटिभ डाइरेक्टरका रूपमा रहेका छन् ।कोशढुंगामा कलाकार तथा रङ्गकर्मी दिनेश खड्का कार्यकारी निर्माता रहेका छन् । यो चलचित्रलाई किशोर अनुराग र प्रेविल कँडेलले निर्माण गरेका हुन् भने चलचित्र नरदेवी फिल्मस् प्रालिको ब्यानरमा बन्ने भएको छ । चलचित्रको कथा महिला प्रधान हो । प्राय सबै कलाकार रङ्गमञ्च तथा चलचित्रमा लामो अभिनय अध्ययन र अनुभव भएकाहरू भएका कारण पनि चलचित्र उत्कृष्ट बन्ने आकलन गर्न सकिन्छ । चलचित्र आर्यन सिक्देल, नीति शाह , प्रवीण खतिवडा , सुरक्षा पन्त , सरोज खनाल, शेखर चापागाईँ, सिरु विष्ट , सविन कट्टेल, झकेन्द्र बिसी आदिको अभिनय रहने छ भने यो चलचित्रमा डिओपी बाबु श्रेष्ठ रहनेछन् । सम्पादन सुरेन्द्र पौडेलले गर्नेछन् साथै यस चलचित्रमा सङ्गीत आशिष् अविरल र रृदम् कडंलेले दिनेछन् । चलचित्रमा शुबलमणि सापकोटा कास्टिंग डिरेक्टरका रूपमा रहनेछन् । चलचित्रको छायाङ्कन आजैबाट सुरु भएको छ । काठमाडौँ लगायत स्याङ्जा जिल्लाको सेरोफेरोमा छायाङ्कन हुने जानकारी आएको छ ।