फागुन ७ राजा ज्ञानेन्द्रको सन्देशले नेपाली राजनीतिमा तरङ्ग पैदा गरेको छ । राजाले भनेको यतिमात्र हो- देश र जनताको अवस्था ठीक भएन ,छैन।म राजसंस्थाको प्रतिनिधि राजा ,यो नेतृत्व छाडेर जानुको अर्थ मेरो कार्यकाल भन्दा राम्रो र सवल बनाउँछु भन्नेलाई चाहेर वा नचाहेर छाडेको अवस्था थियो ।तर देश विगत भन्दा खस्क्यो,अझ खस्कदो छ।यसअर्थमा अब मैले छाडेर मात्रै समाधान दिने र हुने होइन रहेछ, बरु झन् बिग्रिने रहेछ ।
यस मानेमा अब समय धेरै छैन।विश्व परिवेश पनि कमजोर राष्ट्रहरुको प्रतिकूल बन्दैछ ।यस्तो बेला सबै जुटेर जाने कि निरन्तर विभाजन कायम राख्ने ? बाहिरी जुठोपुरो खानेलाई विभाजनमै लाभ छ ।देश चाहनेलाई यो राम्रो होइन,यसर्थ जुटौं।यहाँका दल नेपाली शक्ति पनि हुन् ।सबै जुटे बैरी कमजोर हुन्छन् ।अन्यथा मेरो पनि पूर्वजहरुले प्रदान गरेका केही जिम्मेवारीहरु छन् ।हरेक राष्ट्रको नेतृत्व र परिवारले पूर्वज उपरको जिम्मेवारी पनि बहन गर्नुपर्छ । मलाई बाध्य नपारियोस् ,यहीँ वरिपरि राजाले सबैलाई सम्झाएको र जनता समक्ष एकढंगले गुहार पनि मागेको सन्देशमा बुझ्न सकिन्छ ।

राजाको यो सन्देशसंगै केही गणतन्त्रमा विश्वास गर्ने राजनीतिक धन्दाका मानिस,सांसदहरू राजालाई चुनाव लडेर प्रधानमन्त्री बन्न वा जनताको मत जितेर आउन यस्तो धारणा सार्वजनिक गरेको सुनियो । राजाको यो सन्देशलाई नबुझी यी मानिसहरूले भने भन्ने मलाई लाग्दैन ,अलि विरोधका नाममा विरोध वा बाध्यतामा पनि बोलेका होलान् ।यदि राजा चुनावै लडेर आउने वा अहिलेका गणतान्त्रिक नेता र दलको सहमति बिना स्थापित हुने अवस्था आयो भने कुन चै अहिलेका अगुवा र साँढे नेता सडकमा हिड्ने अवस्था बन्ला ?के अहिलेका असन्तुष्टजनले यसै छाड्लान् ?अहिले सम्मकै सबै ओकल्ने मात्रै होइन हरेक पाइ पाइ हिसाब चुक्ता गर्नुपर्नेछ।त्यो दुःखद अवस्था कस‌ैको नआओस् ।विद्रोहको सम्भावनालाई बन्द गर्नुस् ।विद्रोहले अबको नाश तपाई पछिल्लो समयमा सरकार चलाउनेकै हुनेछ।अहिलेसम्मकै सबै हिसाबकिताब खोजी गर्नेछन् ।अब राजाको केही जादैन् जाने हिजै गयो ।जाने गणतान्त्रिक नेता र तिनका लठुवाहरुको मात्रै हो। मुलुकले अब थप तनाव थेग्न सक्दैन कि ?देशको अस्तित्व संकटमा जान्छ कि ? यस अर्थमा राजाको सन्देश सबै मिलेको राम्रो भन्ने नबुझेको कि बुझ पचाएको? मेरो आसय यतिमात्र।
खैर राजसंस्था नआउला तर अब यहीँरुपमा देश रहदैन ,रहनुहुदैन,कांग्रेस – कम्युनिष्ट सबै खोटो सिक्का र भूस भएको किन नबुझेको? यो अवस्था मासिदा राजाको पनि विकल्पमा आउने तागत झन् कस्तो होला ? छनक छ ?