पूर्व प्रहरी महानिरीक्षक सर्बेन्द्र खनालले एक प्रेस बिज्ञप्ती प्रकाशन गरी “पूर्व आईजीपी खनाल माओवादीमा प्रवेश : सडक सङ्घर्षमा पूर्व सुरक्षाकर्मीका कमान्डर” शीर्षक राखेर साँघु न्युज डट कम नामको एउटा अनलाइन पत्रिकाले आफ्नो बारेमा माघ २५ गते प्रकाशित गरेको एउटा समाचार पूर्ण रुपमा भ्रामक र वाहियात भएको भन्दै खण्डन गरेका छन । उनको प्रेस बिज्ञप्तीमा भनिएको छ”

भ्रमपूर्ण समाचारको सार्वजनिक खण्डन

“पूर्व आईजीपी खनाल माओवादीमा प्रवेश : सडक सङ्घर्षमा पूर्व सुरक्षाकर्मीका कमान्डर” शीर्षक राखेर साँघु न्युज डट कम नामको एउटा अनलाइन पत्रिकाले मेरो बारेमा माघ २५ गते प्रकाशित गरेको एउटा समाचार देखेर म आश्चर्य चकित भएँ र यसमा मेरो गम्भीर ध्यानाकर्षण भएको छ । यो समाचार पूर्ण रूपमा गलत र भ्रमपूर्ण छ । म न त माओवादी प्रवेश गरेको कुरा सत्य हो न त भोली प्रवेश गर्ने कुनै योजना नै छ । यस्ता गलत अफवाह नफैलाउन सम्बन्धित न्युज पोर्टल लाई सचेत गराउँदै समाचारको पूर्ण रूपमा खण्डन गर्दछु । यस्ता भ्रामक र वाहियात समाचारको भ्रम मा नपर्नुहुन मेरा सबै शुभचिन्तकहरू, पाठक हरू र सम्बन्धित सबै सबैमा विनम्र अनुरोध गर्दछु । साँघु न्युज नामको यस्ता भ्रमपूर्ण समाचार प्रकाशन गर्ने मिडियालाई समाचार तुरुन्त खण्डन नगरे म कानुनी कार्वाहिमा जान बाध्य हुने ब्यहोरा समेत सूचित गर्दछु ।

बोधार्थ : प्रेस काउन्सिल नेपाल

– सर्बेन्द्र खनाल
पूर्व प्रहरी महानिरीक्षक
काठमाडौँ