भारतीय प्रधानमन्त्री नरेन्द्र मोदीले आफु र आफ्नो देश भारत अमेरिकासँग मिलेर काम गर्न तयार भएको बताएका छन । आज ट्रम्प सँग लामो फोन बार्ता गरेका मोदीले बार्ता पछि उक्त कुरा सार्वजनिक गरेका छन ।
नाकाबन्दी गर्ने ट्रम्पको घोषणा लगत्तै कोलम्बियाका राष्ट्रपति गुस्ताभो पेत्रो १ घण्टामै गलेको, ट्रम्प र अमेरिकाका सबै शर्त मान्न तयार भएको, अमेरिका सँग मिलेर काम गर्ने, अबैधानिक आप्रबासीहरुलाई फिर्ता लिने, कोलम्बिया आफैले पनि अबैधानिक आप्रबासीहरु लिन आफ्ना जहाज पठाउने, अमेरिकी जहाजहरुलाई पनि अबतरण गर्न अनुमती दिने लगायतका ट्रम्पले राखेका सबै शर्त मान्न तयार भए पछि अमेरिकाले प्रतिबन्ध हाललाई स्थगन गरेको समाचार आए लगत्तै भारतीय प्रधानमन्त्री नरेन्द्र मोदीको एउटा ट्विट आएको छ ।

उनले आफुले आफ्ना मित्र डोनल्ड ट्रम्प सँग सौहार्दपूर्ण तरिकाले बार्ता गरेको, दोश्रो कार्यकालका लागि बधाई दिएको, आपसी समझदारी र पार्टनरशीपमा अमेरिकासँग मिलेर काम गर्न तयार रहेको बताएका छन । मोदीले भारत र अमेरिका सँगै मिलेर बिश्वशान्ति, बिकास र सुरक्षा जस्ता सबालमा काम गर्ने प्रतिबध्दता जनाएका छन ।

अहिले अमेरिकामा एकातिर ट्रम्पका कदममा ब्यबधान गर्न डेमोक्रेटिक पार्टी निकटहरु हात धोएर लागेको अवस्था छ भने अर्को तिर ट्रम्प जस्तो हुनु पर्छ नेता भन्दै उनका कार्य शैलीको तारिफ गर्दै उनलाई साथ दिईरहेको देखिएको छ ।