राष्ट्रिय मानब अधिकार आयोग को यो साइन बोर्डमा जस्तै आयोग यता हो कि उता केहि पत्तो नलागेको अबस्थामा देखियो। आफ्नो काम कर्तब्य र अधिकार मा आयोग चुकेको भनेर सर्बत्र आलोचना मात्र भएको छैन यस्तै हो भने यो आयोग खारेज गरिदिए हुन्छ काम छैन भन्ने सम्मका टिका टिप्पणी पनि भैरहेका छ अहिले। राष्ट्रिय मानब अधिकार आयोग सामाजिक संजालमा चर्को आलोचना पछि १ हप्तामा बल्ल जाग्यो, तर अझै निद्रा मै देखियो बिज्ञप्ति हेर्दा !

तीनकुने लगायत क्षेत्रमा चैत्र १५ गते भएको घटनाका सन्दर्भमा मानव अधिकारको अवस्था र यस आयोगको भूमिकाका सन्दर्भमा सामाजिक सञ्जाल र केही समाचार माध्यमहरुमा आएका टीकाटिप्पणीप्रति आयोगको ध्यानाकर्षण भएको आयोगले जनाएको छ।

राष्ट्रिय मानब अधिकार आयोग भन्छ : ‘घटनामा भएको क्षति र मानव अधिकारको उल्लंघनका विषयलाई लिएर आयोगमा थप उजुरी र ज्ञापनपत्रहरु समेत प्राप्त भएका छन्, घटनाको गाम्भीर्यता र उजुरीहरु समेतलाई मध्येनजगर गरी आयोगले घटना भएकै दिनदेखि अनुसन्धान टोली परिचालन गरी छानविन/अनुसन्धान गरिरहेको छ । छानविन/अनुसन्धान जारी छ । अनुसन्धानका क्रममा आयोगले आवश्यकताअनुसार विशेषज्ञहरुको समेत सहयोग लिनेछ ।’

नेपाल प्रेसका अनुसार राष्ट्रिय मानव अधिकार आयोगको एक प्रतिनिधिमण्डलले घरमै नजरबन्द रहेका राजावादी नेता नवराज सुवेदीलाई भेटेको छ । आज गैरीधारास्थित सुबेदीको निवासमा पुगेर आयोग पदाधिकारीले भेटेका हुन् ।
गत चैत १५ गतेको तीनकुने केन्द्रित आन्दोलनपछि सुवेदीलाई सरकारले नजरबन्दमा राखेको छ । त्यस दिन उनी मञ्चमै रहेका बेला प्रहरीले अश्रुग्याँस प्रहार गरेको थियो । त्यसपछि उनलाई नेता कार्यकर्ताले निकालेर सुरक्षित स्थानमा राखेका थिए ।

यो घटनामा प्रहरी दमन भएकोप्रति आँखा चिम्लिएको भन्दै चौतर्फी आलोचना भएपछि आयोगले आज प्रतिनिधिमण्डल पठाएको हो । आयोगका सदस्य मनोज दुवाडीको नेतृत्वमा गएको टोलीमा तीनजना थिए । उनीहरुले करिब ४५ मिनेट सुवेदीसँग छलफल गरेको स्रोतले बतायो ।
सुवेदीले आयोग प्रतिनिधिसँग यतिञ्जेल मौनता साँधेकोमा कटाक्ष गरेका थिए । उनको भनाइ उद्धृत गर्दै स्रोतले भन्यो, ‘बल्ल तपाईंहरुको होश खुल्यो ? यतिञ्जेल कहाँ हुनुहुन्थ्यो ?’
जवाफमा दुवाडीले पहलकदमी लिन ढिलाइ भएकोमा दुःख व्यक्त गरेको पारिवारिक स्रोतले बतायो ।

सुवेदीले ८७ वर्षको वृद्धलाई टियरग्याँस हानेर शान्तिपूर्ण सभाबाट लखेटिएको गुनासो गरे । ‘यो देशमा ज्येष्ठ नागरिकहरुप्रति गरिने व्यवहार के छ भन्ने यही घटनाबाट थाहा हुन्छ’, उनले भने ।

सुवेदीलाई भेटेपछि आयोगले विज्ञप्ति निकाल्दै उनलाई विनापुर्जी प्रहरी निगरानीमा राखिएको बताएको छ ।

संयुक्त जनआन्दोलन परिचालन समितिका तर्फबाट प्रबक्ता स्वागत नेपालले एक प्रेस बिज्ञप्ति जारी गर्दै देशभक्तिपूर्ण प्रदर्शनमा सहभागीहरु, राष्ट्रवादीहरुका लागि निःशुल्क कानुनी सेवा दिने कुरा सार्बजनिक गरेका छन्। उनले भनेका छन् :
आदरणीय देशभक्त राष्ट्रवादी दाजुभाइ दिदीबैनीहरु
तीनकुनेमा भएको राज्यआतंकबाट प्रताडित शान्तिपूर्ण सभामा सहभागी राष्ट्रगान गाउँदै गर्दा कायर सरकारले चलाएको अश्रुगोलीवर्षा खप्न नसकी प्रतिरक्षामा भागदौड गर्ने देशभक्त राष्ट्रवादी नागरिकहरुलाई अझै पनि कानुन विपरित धरपकड गरिएका छन् । घाइतेहरु उपचार गर्न र फलोअपमा अस्पताल जाँदा अस्पतालबाटै पक्राउ गरिएका कारण उपचार र फलोअपमा अस्पताल जान समेत सकिरहेका छैनन् । कानुनी प्रक्रियाका बारेमा थाहा नभएका कारण हिरासतमा भएका कयौं साथीहरुले उपचार र परामर्श समेत पाइरहेका छैनन्। आफ्ना साथीहरु पक्राउ पर्दाको तथा आफूले आगलागीको समयमा उद्धार गर्दाको फोटो भिडियो पोष्ट गर्दा वा सो फोटो भिडियोमा उद्धार गर्ने क्रममा देखिएका व्यक्तिहरुलाई पक्राउ गरिएको समेत खबरहरु आएका छन् ।
अतः ती सबै अवस्थामा रहेका र हिरासतमा भएका साथीहरुलाई यस संयुक्त जनआन्दोलन परिचालन समितिको अनुरोधमा स्वतन्त्र निष्पक्ष तथा देशभक्त कानुन व्यवसायीहरुले निशुल्क रुपमा बहस पैरवी गरिदिनुहुने भएको हुँदा यो सूचना प्राप्त गर्ने सबैले त्यस्तो परिवारका सदस्य आफन्तहरुमा सम्पर्कका लागि जानकारी गराइदिनु हुन वा इमेल deshbachaau@gmail.com मा पूर्ण विवरण पठाइदिनु हुन पनि अनुरोध गर्दछौं । यसका लागि पहिलो चरणमा निम्न वरिष्ठ अधिवक्ता तथा अधिवक्ताज्युहरुले कानुनी उपचार प्रदान गर्नुहुनेछ । (पुनश्चः वास्तविक आन्दोलनकारीबाहेक प्रत्यक्ष रुपमा भिडियोहरुमा रक्सी आदि लुटपाटमा संलग्न देखिएका र आन्दोलनमा घुसपैठ गरी आन्दोलनलाई बदनाम गराउन सहभागी भएकाहरुका हकमा यो सूचना लागू हुने छैन ।) तपशील बमोजिम सम्पर्क गर्नुहुन अनुरोध छ
वरिष्ठ अधिवक्ता बालकृष्ण न्यौपाने ९८५१०३४९१५
वरिष्ठ अधिवक्ता ध्रुवलाल श्रेष्ठ ९८४९४५११५५
डा. ज्ञान कु बस्नेत ९८५१०८४२७८
अधिवक्ता कुन्ती शाही ९८५१०४०७७६
अधिवक्ता हरि प्रसाद कटेल ९८४११८९२६१
अधिवक्ता कृष्ण प्रसाईं ९८५१०९२७९८
मणिराम उपाध्याय ९८५१२२६७९८
अधिवक्ता युबराज कोइराला ९८५१०७०२००
अधिवक्ता विनोद थापा ९८४१३५८०२३
अधिवक्ता रादिका चम्लागाईं ९८४२६३४८४३
निकेश धिताल ९८६२१३४३३३

~ स्वागत नेपाल
प्रवक्ता,
संयुक्त जनआन्दोलन परिचालन समिति

राप्रपा आज पनि सडकमा

यसै बीच राष्ट्रिय प्रजातन्त्र पार्टीले आफ्ना नेता-कार्यकर्ताको रिहाइ मागसहित आज काठमाडौंमा जुलुस निकालेको छ । जुलुसको अगुवाइ पार्टीका दुई वयोवृद्ध नेताहरु पशुपतिशमशेर राणा र डा. प्रकाशचन्द्र लोहनीले गरे ।

नेता-कार्यकर्तामाथिको झूटा मुद्दा खारेजी र निष्पक्ष न्यायिक आयोग गठन गर्न माग गर्दै आजको प्रदर्शन राप्रपाको उपत्यकाका तीन जिल्ला समितिले गरेका हुन् । पार्टीकै झन्डा बोकेर गरिएको प्रदर्शनमा सरकारविरोधी नाराहरु लगाइएको थियो ।

 

८३ वर्षीय राणा र ८१ वर्षीय डा. लोहनी जुलुसको अग्रभागमा थिए । राप्रपाले मृतकहरुलाई शहीद घोषणा गर्नुपर्ने तथा घाइतेहरुको निःशुल्क र प्रभावकारी उपचारको व्यवस्था गर्नुपर्ने मागसमेत अघि सारेको छ ।

     

Photos : Nepal Press

चैत्र १५गतेको घट्नामा हिँसा भड्काउनमा सरकार स्वयम् जिम्मेवार भएको विभिन्न तथ्यहरुले प्रमाणित गरेकोछ। सत्यतथ्य छानविनका लागि सर्वोच्चका पूर्व न्यायाधीशको संयोजकत्वमा मानवअधिकार आयोग र नागरिक समाज समेत संलग्न भएको न्यायिक छानविन समिति गठन हुनुपर्छ : राप्रपा