अमेरिकाबाट देश निकाला गरिएका दुई जहाज अबैधानिक आप्रबासीहरु बोकेर उडेका दुई अमेरिकी सेनाका जहाज कोलम्बियाका राष्ट्रपति गुस्ताभो पेत्रोले अबतरण गर्न रोक्न गरेको प्रयास एक घण्टामा बिफल भएको छ ।

यस अघि कोलम्बियाका राष्ट्रपति गुस्ताभो पेत्रोले अमेरिकी सैन्य डिपोर्टेशन फ्लाइटलाई देशमा प्रवेश गर्न रोक लगाउँदै, आप्रवासीहरूलाई सम्मान र मर्यादाका साथ फिर्ता पठाइनु पर्ने बताएका थिए तर एक घण्टा नबित्दै अमेरिकी राष्ट्रपति डोनल्ड ट्रम्पले कोलम्बिया माथि त्यहाँ बाट आउने सबै सामानहरुमा २५ देखी ५० प्रतिशत अतिरिक्त भन्सार कर लगाउने, अमेरिका यात्रामा तुरुन्त प्रतिबन्ध लगाउने, कोलम्बियाका सबै सरकारी र उच्च पदस्त कर्मचारी, नेता र तिनका समर्थकहरुलाई दिइएको भिसा रद्द गर्ने, आर्थिक नाकाबन्दी लगाउने घोषणा गर्ना साथ पासा उल्टिएको छ ।

अहिले कोलम्बियाका राष्ट्रपति गुस्ताभो पेत्रोले आफुबाट गल्ती भएको भन्दै क्षमा याचना गर्दै ट्रम्प सँग, अमेरिका सँग मिलेर काम गर्ने, अबैधानिक आप्रबासीहरुलाई फिर्ता लिने, कोलम्बिया आफैले पनि अबैधानिक आप्रबासीहरु लिन आफ्ना जहाज पठाउने, अमेरिकी जहाजहरुलाई पनि अबतरण गर्ने लगायतका ट्रम्पले राखेका सबै शर्त मान्न तयार हुँदै अमेरिकालाई पूर्ण रुपमा साथ दिने बाचा गरे पछि अमेरिकाले कोलम्बिया माथि लगाउन थालेको प्रतिबन्ध हाललाई स्थगन भएको र कोलम्बियाको व्यबहार हेरेर भबिश्यमा बाँकी निर्णय हरु गरिने ट्रम्पले बताएका छन । उक्त कुरा ह्वाइट हाउसले पुस्टि गरिसकेको छ ।

ह्वाइट हाउसको विज्ञप्ति अनुसार कोलम्बियाले अब अमेरिकी सैन्य विमानहरूमा आएका आप्रवासीहरूलाई बिना कुनै सीमा र ढिलाइ स्वीकार गर्ने सहमति गरेको छ । कोलम्बियाले राष्ट्रपति ट्रम्पका सबै मागहरू मान्न सहमति गरेको ह्वाइट हाउसले बताएको छ ।