राजसंस्था पुनर्स्थापनाका लागि संयुक्त जनआन्दोलन परिचालन समिति
सबै जिल्ला र प्रवासका सबै देशमा संयुक्त आन्दोलन परिचान समिति गठन बारे
आदरणीय देशभक्त, राष्ट्रवादी, जनवादी, प्रगतिशील, अग्रगामी र निरंकुशताविरोधी नेपाली दाजुभाइदिदीबैनीहरु !
हालसम्म राजसंस्था पुनर्स्थापनाका लागि संयुक्त जनआन्दोलन समितिले आन्दोलनका कुनै कार्यक्रम सार्वजनिक गरेको छैन। यसपूर्व श्री ५ महाराजाधिराज सरकारको त्रिभुवन अन्तराष्ट्रिय विमानस्थलदेखि निर्मल निवाससम्मको कार्यक्रम स्वागत कार्यक्रम मात्र थियो, जनआन्दोलन थिएन । त्यसैगरी कोटेश्वर तीनकुनेमा आयोजित कार्यक्रम पनि आन्दोलन थिएन, अभियानका आफ्ना नीतिहरु घोषणा कार्यक्रम मात्र थियो । आन्दोलन कमजोर बनेको भन्ने देशविरोधी र निरंकुशतावादीहरुले सिर्जना गर्न खोजेको भाष्य मात्र हो । शुरु नै नभएको आन्दोलन कमजोर हुने भन्ने प्रश्नै रहँदैन । खासमा अहिलेसम्म आन्दोलन घोषणा नै भएको छैन । जनआन्दोलनका चरणबद्ध कार्यक्रमहरु प्रचारात्मकदेखि अल्टिमेटम हुँदै अनिश्चितकालीन आमहडताल र अकुपाइ नारायणहिटीसम्म अब घोषणा गरिने छन्।

आन्दोलनका कार्यक्रम घोषणा नै नभई निरंकुशतावादी र परचक्रीहरुको चङ्गुलमा फसेको सरकार आत्तिएर आफ्नो सबै शक्ति प्रयोग गरी पराजित भएर आफ्ना अपराधहरु लुकाउन षडयन्त्रपूर्वक दोष अन्यत्र थोपर्दै दमनको नीतिमा उत्रिइसकेकोछ । तर हाम्रा सबै आन्दोलन शान्तिपूर्ण हुनेछन् तथापि शान्तिपूर्णरुपमा राष्ट्रगान गाइरहेको अवस्थामा अश्रुग्यासगोलीवर्षा भएको खण्डमा राष्ट्रिय झण्डाको शान बचाउनका लागि भने आवश्यक प्रतिरोधमा आन्दोलन स्वभावतः उत्रिने नै छ।

अतः आन्दोलनलाई सभ्य, सुसंस्कृत, शान्तिपूर्ण र दमन विरुद्ध प्रभावकारी बनाउनका लागि सबै जिल्लामा परिचालन समिति र विभिन्न देशमा जनआन्दोलन समर्थन समितिहरु गठन गरिने भएकोले जुनसुकै दल वा अभियानमा भए पनि नभए पनि राजसंस्थावादी, देशभक्त, राष्ट्रवादी, निरंकुशताविरोधी, अग्रगामी विचार राख्ने सबै नेपाली नागरिकहरुलाई आआफ्ना स्थानका परिचालन समिति गठन गरी जिम्मेवार भूमिकामा रहन चाहनु हुने सबैमा आफ्नो स्पष्ट खुल्ने परिचय सहित नाम, ठेगाना, उमेर, पेशा र सम्पर्क नम्बर तथा इमेल आइडी उपलब्ध गराइदिनु हुन अनुरोध गर्दछौं । यस सञ्जालको कमेन्टमा आफ्नो विवरण राखिदिन समस्या महसुस हुने भएमा तत्कालका लागि मोबाइल नम्बर ९८५१०१७७१० को ह्वाटसएप वा इमेल आइडी deshbachaau@gmail.comमा आफ्नो विवरण पठाइदिनु हुन पनि अनुरोध गर्दछौं । यसरी विवरण पठाउनुहुने साथीहरु नै सबै जिल्लामा हुने आन्दोलनलाई सुसभ्य ढंगले परिचालन गर्न यसपूर्वका जिम्मेवारीमा रहनु भएका साथीहरुसँगको पहिलो घेराको सम्पर्कमा रही जिम्मेवारीमा रहनु हुने छ । सो पश्चात सबै पालिका र वडामा समेत अन्य समिति र उपसमितिहरु गठन गरिने छन्।

-स्वागत नेपाल
प्रवक्ता,
संयुक्त जनआन्दोलन परिचालन समिति