गाजामा शनिबार इजरायली हमलामा कम्तीमा ६ बालबालिकासहित १९ जनाको मृत्यु भएको त्यहाँको नागरिक सुरक्षा एजेन्सीले जनाएको छ । एजेन्सीका प्रवक्ता महमुद बासलले गाजापट्टीमा इजरायली हवाई आक्रमणले निम्त्याएको नरसंहारमा १९ जनाको मृत्यु र ४० भन्दा बढी मानिस घाइते भएका बताए । उत्तरी गाजाको जेइतुनस्थित एउटा घरमा आक्रमण गरिँदा तीन बालबालिकासहित सातजनाको मृत्यु र १० व्यक्ति घाइते भएका जनाइएको छ । एएफपीटीभीको फुटेजमा मानिसले अन्धकारमा टर्च तथा मोबाइल फोन प्रयोग गरेर भग्नावशेषमा खोजतलास गरिरहेका देखाइएको छ । खान युनुस सहरमा गरिएको अर्को आक्रमणमा तीन बालकसहित ६ जनाको मृत्यु र २६ व्यक्ति विस्थापित भएका बासलले बताए । गाजापट्टीको नुसेइराटमा एउटा घरमा गरिएको आक्रमणमा चार र दक्षिणी सिमानाको रफाहमा भएको ट्यांक फायरमा दुईजनाको मृत्यु भएको उनले बताए ।
*अमेरिकाबाट प्रकाशित, अमेरिका र संसारभर रहेका नेपाली समुदायमा समर्पित, स्वतन्त्र, नाफा नकमाउने र १७५ देशमा पढिने डिजिटल पत्रिका
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक