नवनिर्वाचित राष्ट्रपति डोनाल्ड ट्रम्पको फौजदारी सजायको फैसला कम्तीमा १९ नोभेम्बर सम्मका लागि स्थगित

 नवनिर्वाचित राष्ट्रपति डोनाल्ड ट्रम्पको फौजदारी सजायको फैसला न्यूयोर्कको एक अदालतले फेरि स्थगित गरेको छ । न्यायाधीशले कम्तीमा १९ नोभेम्बर सम्मका लागि सबै निर्णय स्थगित गरेका हुन् । ट्रम्पका वकिलहरू र अभियोजकहरू दुवैले म्याद थप एक हप्ता ढिलाइ गर्न अनुरोध गरे पछि न्यायधीसले स्वीकार गरेका हुन् । अन्तर्राष्ट्रिय सञ्चार माध्यमका अनुसार सन् २०१६ को चुनाव अघि एक महिला सँगको शारीरिक सम्बन्धलाई

लुकाउन ट्रम्पले व्यापारिक रेकर्डहरू हेरफेर गरेको जुरीले पत्ता लगाएपछि उनलाई गत मे महिनामा ३४ वटा फौजदारी अभियोगमा दोषी ठहर गरेको थियो । चुनाव अघि देखि नै ट्रम्पका वकिलहरूले उच्च अदालतको निर्णयका आधारमा मुद्दा खारेज गर्न माग गरेका थिए । तर, अभियोजकहरूले अस्वीकार गर्दै आएका थिए ।  मुद्दा खारेज भएमा ट्रम्पलाई कुनै सजाय हुने छैन ।