युक्रेन : एक हजार मानिसलाई उद्धार गरी शिविरमा

 युक्रेनको खेरसन राज्यस्थित क्षतिग्रस्त बाँधबाट प्रभावित हजारौं मानिसलाई अन्यत्र सार्नु पर्ने भएको छ । बाँध फुट्दा आसपासका ८० शहर र गाउँलाई अन्यत्र सार्नुपर्ने अवस्था आएको युक्रेनका राष्ट्रपति भोलोदिमिर जेलेन्स्किले बताउनुभएको छ । दिनिप्रो नदिमा ठुलो बाढिको खतरा समेत बढेको छ । सो बाँधमा रुसले नोक्सानी पुर्‍याएको युक्रेनले दाबी गरेपनि मस्कोले भने अस्विकार गरेको छ । युरोपको सबैभन्दा ठुलो जापोरिजिया आणविक केन्द्र देखी रुस नियन्क्रित त्राइमियामा समेत सो बाँधको पानी प्रयोग हुंदै आएको थियो । युक्रेन सरकारको स्वामित्वमा रहेको जलविद्युत आयोजनाको बाँध भत्किदा विद्युत उत्पादनमा समेत प्रभाव परेको छ । बाँधको पानीलाई जापोरिजिया आणविक केन्द्रको चिस्यानका लागी प्रयोग गरिदै आएको थियो ।

यद्यपी बाँध फुटेका कारण आणिवक खतरा भने तत्कालका लागी नरहेको अन्तराष्ट्रिय आणविक केन्द्रले जनाएको छ । युक्रेन सरकारले बाढिको खतरा रहेको भन्दै ४० हजार मानिसलाई अन्यत्र सार्नुपर्नेछ । जसमध्य २५ हजार रुसको कब्जामा रहेको क्षेत्रमा वसोवास गरीरहेका छन् । हाल सम्म एक हजार मानिसलाई उद्धार गरी शिविरमा राखिएको युक्रेनको आन्तरिक मामिला मन्त्रालयले जनाएको छ ।