फिलिपिन्सको उत्तर–पूर्वी क्षेत्रमा विष्फोट भएको मेयोन नामक ज्वालमुखीबाट लाभा निरन्तर निस्किरहेपछि १३ हजार मानिसलाई सुरक्षित स्थानमा सारियो

फिलिपिन्सको उत्तर–पूर्वी क्षेत्रमा विष्फोट भएको मेयोन नामक ज्वालमुखीबाट लाभा निरन्तर निस्किरहेपछि १३ हजार मानिसलाई सुरक्षित स्थानमा सारिएको छ । लाभा निस्किएको भन्दा ६ किलोमिटर दूरी परको स्थानमा प्रभावित स्थानीयलाई स्थानान्तरण गराइएको अन्तर्राष्ट्रिय सञ्चार माध्यामले जनाएका छन् । ज्वालामुखी निस्किएको एक सातापछि मात्र खतराको जोखिम रहेको भन्दै स्थानीयलाई स्थानान्तरण गरिएको हो ।

आउने दिनमा समेत लाभा निस्कने क्रम जारी रहेको अवस्थामा ज्वालमूखी विष्फोट भएको स्थान आसपासबाट अन्य धेरैलाई उद्धार गर्नुपर्ने फिलिपिन्सका ज्वालामुखी विशेषज्ञले बताएका छन् ।

यसअघि सन् १८१४ मा विष्फोट भएको ज्वालामुखीका कारण फिलिपिन्समा १ हजार २ सयको मृत्यु भएको थियो । त्यसपछि सन् २०१३ र २०१८ मा भने मृत्यु हुनेको संख्या पहिलेको तुलनामा कम भएको बताइएको छ ।