ट्विटरले पत्रकारलाई प्रतिबन्ध लगाएको घटनामा संयुक्त राष्ट्रसंघ र युरोपियन युनियनले विरोध जनाए

 माइक्रो ब्लगिङ साइट ट्विटरले आफ्नो विषयमा रिर्पाेटिङ्ग गरिरहेका पत्रकारलाई प्रतिबन्ध लगाएको घटनामा संयुक्त राष्ट्रसंघ र युरोपियन युनियनले विरोध जनाएका छन् । न्युर्याेक टाइम्स, सिएनएन र वांिसंगटन पोष्टका अकाउण्ट समेत ट्विटरले बन्द गरिदिएको छ । संयुक्त राष्ट्रसंघले सञ्चारमाध्यमको स्वतन्त्रतालाई खेलौना बनाएको आरोप लगाएको छ । युरोपियन युनियनले ट्विटरले आफ्नो क्रियाकलापलाई सम्हाल्न नसके प्रतिबन्धसम्म लगाउन सक्ने चेतावनी दिएको छ ।

प्रतिवन्धमा परेका सञ्चारमाध्यामले लोकेसनको डाटा सम्वन्धी फिचर प्रयोग गरि सुचना सेयर गरेकाले प्रतिवन्ध लगाएको ट्वीटरले दाबी गरेको छ । मालिक एलन मस्कको निजि हवाई जहाजको लोकेसन सहित उनका छोराछोरीको पनि सवारी साधन ट्रयाक गरेका कारण सो प्रतिबन्ध लगाउनुपरेको ट्वीटरले उल्लेख गरको छ । प्रेश स्वतन्त्रतालाई आफु अनुकुल प्रयोग गर्न नसकिने उल्लेख गर्दै जर्मनीको परराष्ट्र मन्त्रालयले ट्विटरको कदमको विरोध गरेको छ ।