कुकुर, कुकुर्नी डान्स !

नाच्नु हुन्न अब आधुनिक नारीहरू  

आमा, हजुर आमाहरू नाचे जसरी

गाउनु हुन्न तीजका "पाखे" गीतहरू   

आमा, हजुर आमाहरू जसरी

व्रत पनि किन बस्नु आधुनिक नारीहरू 

लगाउनु पर्छ ह्विस्की, बियर, वाइन    

बजाउनु पर्छ डिस्को म्युजिक 

पर्नु पर्छ घोप्टो, कुकुर जसरी 

र नाच्नु पर्छ कुकुर, कुकुर्नी डान्स

काम छैनन् पुराना मादले तीज गीत अब 

किन बिसाउनु गीतमा पिर र व्यथा अब 

मेरी पियारी पनि मदहोस छन् आज 

किनकि उनी पनि भर्खर फर्किन तीज मनाएर 

नचाएछन् दिदी बहिनीले कुकुर्नी बनाएर ! 

- रामप्रसाद खनाल