म्यानमारको संकटकाल २०२३ को अगस्तसम्म लम्बिने

 म्यानमारको संकटकाल २०२३ को अगस्तसम्म लम्बिने भएको छ । सैन्य कु पछि संकटकाल लागु गरेका प्रधानमन्त्री मिन आङ हाइंगले फेब्रुअरी १ देखि लागु संकटकाल २०२३ सम्म लम्बिने घोषणा गर्नु भएको हो । प्रधानमन्त्री हाइंगले स्वतन्त्र र निष्पक्ष बहुदलिय चुनाव गराउने प्रतिबद्धता व्यक्त गर्नुभयो । सैन्य कु विरुद्ध जारी प्रदर्शनमा सयौंको मृत्यु भइसकेको छ । राष्ट्रव्यापी नागरिकअवज्ञा अभियान जारी छ । हजारौं कामदार बर्खास्त भएका छन् भने हजारौं हड्तालमा उत्रिएका छन् । प्रजातन्त्रवादी नेतृ आङ साङ सुकी नेतृत्वको पार्टी नेशनल लीग फर डेमोक्रेसी एनएलडी र यसका समर्थकहरुलाई उहाँले उग्रवादीको संज्ञा दिनुभयो ।