नदेखाऊ भो दुवैले अब तमासा र नौटङ्कीहरू !

कहिले घिउ बेचुवाले देखाउँछु भन्छन्  

कहिले तरबार बेचुवाले देखाउँछु भन्छन् 

मान्छे ओसार्छन्, भात मासु र भत्ताको सत्यानाश   

देख्दा यिनीहरूलाई, मुख छाडेर भन्न मन लाग्छ

ए नौटङ्कीहरू हो, ए अपराधका सरदारहरू हो ! 

नौटङ्कीका पनि महा नौटङ्कीहरू हो     

देखाउन त देखाउँछौ तर देखाउँछौ पो के ?

देखाउन बाँकी केही छ र अझै ??

तिमीहरू निर्वस्त्र भएको पनि धेरै नै भैसकेको छ  

तिम्रो खुस्किन बाँकी एउटा त्यान्द्रो धरो पनि 

तीन वर्ष देखी धुजा धुजा भई गइसकेको छ 

नदेखाऊ भो दुवैले अब यहाँ भन्दा बढी,

तिम्रा तमासा र कहीँ नभएका नौटङ्कीहरू

किनकि देख्दा तिमीहरूलाई थुक्न मन लाग्छ 

आजकाल त तिमीहरूको अनुहार देख्दा पनि,

देख्नै नपरे हुन्थ्यो भन्दै आफै लुक्न मन लाग्छ !

- रामप्रसाद खनाल, माघ २८, २०७७