बागलुङको पश्चिम ढोरपाटन नगरपालिका–९ बोवाङ्गमा भदौ १७ गते आएको बाढीले बगाएका १८ जनाको शव फेला

 

बागलुङको पश्चिम ढोरपाटन नगरपालिका–९ बोवाङ्गमा भदौ १७ गते आएको बाढीले बस्ती बगाउँदा बेपत्ता भएका मध्ये थप एक जनाको शव फेला परेको छ । गुल्मीको चन्द्रकोट गाउँपालिका– ८ रामपुर स्थित वडिगाडखोलाको किनारमा अन्दाजी ३० बर्षिय महिलाको शव मंगलबार फेला परेको हो । शवको पहिचान हुन सकेको छैन । हालसम्म मृतकको संख्या १८ पुगेको छ ।

इलाका प्रहरी कार्यालय बूर्तिवाङ्गका प्रहरी निरीक्षक प्रकाशसिंह भण्डारीका अनुसार सोमबार फेला परेका दुई मध्ये एक शवको सनाखत भएको छ । शव बोवाङ्गको द्ववाल बस्ने वर्ष ३६ को हेमबहादुर बिक पहिचान भएको प्रहरी निरीक्षक भण्डारीले जानकारी दिनुभयो । भेटिएका १८ मध्ये १७ शवको पहिचान भएको छ । २० जना अझँै बेपत्ता रहेका छन् । बेपत्ताको खोजी कार्य जारी रहेको प्रहरी निरीक्षक भण्डारीले बताउनुभयो ।