अनेसास गीता खत्री, पदम बिक, खगेन्द्र लुइँटेलहरुको कोठरी बनेको आरोप, केन्द्र र बिओटीको लडाईं छताछुल्ल !

* अनेसास केन्द्रीय समितिले बोर्ड अफ ट्रस्टिजको निर्णय त्रुटीपूर्ण भन्दै बिरोध जनायो, केन्द्रनै सहभागी नहुने !

* नोभेम्बर १० तारिख मनासस भर्जिनियामा आयोजना गरेको कार्यक्रम अब के होला ?? 

अन्तर्राष्ट्रिय नेपाली साहित्य समाज (अनेसास) केन्द्रीय समितिले एक प्रेस बिज्ञप्ती जारी गर्दै अनेसासको बोर्ड अफ ट्रस्टिजले यही नोभेम्बर १० तारिख मनासस भर्जिनियामा आयोजना गरेको अनेसास राम लामा अभिनाशी विशिष्ट प्रतिभा पुरस्कार बितरण कार्यक्रम त्रुटिपूर्ण रहेकाले आफ्नो गम्भीर ध्यानाकर्षण भएको जनाएको छ ।
महासचिब गणेश घिमिरेले हस्ताक्षर गरी पठाएको केन्द्रीय समितिको प्रेस बिज्ञप्तीमा पुरस्कारको निर्णय, प्रक्रिया र घोषणा सम्बन्धमा केन्द्रीय समितिलाई जानकारी समेत नदिइ प्रक्रिया अगाडि बढाएकोले बोर्ड अफ ट्रस्टिजको यो पुरस्कार घोषणा सम्बन्धी कार्यक्रममा केन्द्रीय कार्य समितिको कुनै सँलग्नता नरहेको सबैलाई जानकारी गराइन्छ भनिएको छ ।
केन्द्रीय अध्यक्ष सहित सम्पूर्ण पदाधिकारीहरु उक्त कार्यक्रममा उपस्थित नहुने, कार्यक्रम बहिस्कार गर्ने समेत एकजना केन्द्रीय पदाधिकारीले बताए ।
 अनेसास केन्द्रीय उपाध्यक्ष शान्तीराम ढकालले आफुहरु अनेसासको संस्थागत बिकासको पक्षमा र ब्यक्तिबादको बिरोधमा रहेको बताउँदै,  आफुहरु अनेसासको बोर्ड अफ ट्रस्टिजले यही नोभेम्बर १० तारिख मनासस भर्जिनियामा आयोजना गरेको अनेसास राम लामा अभिनाशी विशिष्ट प्रतिभा पुरस्कार बितरण कार्यक्रम त्रुटिपूर्ण रहेकाले कार्यक्रममा उपस्थित नहुने बताउनुभयो । वहाँले हाम्रो भनाइ केन्द्रीय समितिको निर्णयमा र बिज्ञप्तिमा आइसकेको छ । त्यही नै मेरो मात्र होइन सिङ्गो केन्द्रीय समितिको धारणा हो । केन्द्रीय समिति कार्यक्रारी अधिकार प्राप्त हुने र बोर्ड अफ ट्रस्टिज केन्द्रीय कार्य समितिलाई सल्लाह सुझाब दिने अभिभाबकिय भूमिकामा मात्र रहनुपर्ने केन्द्रीय समितिको मान्यता रहेको उपाध्यक्ष ढकालले बताउनुभयो । वहाँले अनेसासको बोर्ड अफ ट्रस्टिजको भूमिका, केन्द्रीय समिति माथिको हस्तक्षेप आफुहरुलाई स्वीकार्य नभएको बताउँदै यो कार्यक्रमको कुनै औचित्य नभएको बताउनुभयो । 

अनेसासका एक जना केन्द्रीय सदस्य आफ्नो नाम गोप्य राख्ने शर्तमा भन्नुहुन्छ  - "संस्था आफैमा खराब हुन्न र छैन तर नेत्रित्व गलत छ ।  अनेसास गीता खत्री, पदम विश्वकर्मा, खगेन्द्र लुइँटेल लगायतका केही गलत नेत्रित्व र यिनिहरुको कारण अनेसास यिनिहरुको कोठरी भएको छ । अनेसास यिनै दुई चारजनाको पालै पालो पदमा बस्ने, पद बाँडी खाने अखाडा रहेछ । साहित्यिक मान्छे, भाषा, साहित्य र कला सँस्कृतिको क्षेत्रको मान्छे होइन यिनिहरुलाई आफ्नो पिछलग्गु चाहिएको रहेछ । यस्ता मान्छेलाई संस्थाको  नेता मानेर संस्थामा बस्नु अर्को अपराध हुन्छ । अब के गर्ने भनेर हामीले केन्द्रीय समितिमा छलफल गर्यौं र चेतावनी स्वरुप यो बिज्ञप्ती आएको हो । अब चुप लागेर बसिँदैन ।  हुन लागेको यो कार्यक्रममा पनि हामी सहभागी हुन्नौं । गीता, पदमहरुले पुरस्कार पनि आफै दिउन, खगेन्द्रले लिउन, आफै ताली मारुन । हामीलाई केही चासो वा मतलबको कुरा छैन ।"                   
 अनेसास केन्द्रीय समितिका पूर्व उपाध्यक्ष प्रकाश नेपाललाई अहिले अनेसासको केन्द्रीय समिति र अनेसासको बोर्ड अफ ट्रस्टिज बिचको लडाईं र केन्द्रीय समितिले नै यही नोभेम्बर १० तारिख मनासस भर्जिनियामा आयोजना गरेको अनेसास राम लामा अभिनाशी विशिष्ट प्रतिभा पुरस्कार बितरण कार्यक्रम बहिस्कार गरेको सन्दर्भमा तपाईंको प्रतिकृया के छ भनेर प्रश्न गर्दा भन्नुभयो - अनेसास संस्था आफैमा खराब थिएन तर केही ब्यक्तिहरुको कारण संस्था बर्बादी तिर पुगेको यो अन्तिम प्रमाण हो । यहाँ गतिलो राम्रो मान्छे रहने अट्ने अवस्था कहाँ नै रह्यो र ! यो त तीन चार जनाको खेलौना जस्तो भएको छ । यस्तो अवस्थामा तपाईं हामी कसरी त्यो कार्यक्रम मा सहभागी बन्न सकिन्छ र ? केन्द्रीय समितिले नै बहिस्कार गरेको यो कार्यक्रम पूर्ण रुपमा औचित्यहिन भैसक्यो ।
अनेसास वासिङ्गटन डिसी मेट्रो कमिटीका बर्तमान अध्यक्ष भुप नारायण घर्तिमगर अनेसास वासिङ्गटन डिसी मेट्रो कमिटीले केही समय अघिनै लक्ष्मी जयन्ति मनाइसकेको  बताउनुभयो ।

अनेसास केन्द्रीय समितिका महासचिब गणेश घिमिरेले यसबारेमा बोल्दै "केन्द्रीय समितिका पदाधिकारी र सदस्यहरुको भनाइ केन्द्रीय समितिको प्रेस बिज्ञप्तिमा आइसकेकोले सोही अनुसार बुझिदिनुहुन आग्रह गर्दछु" भन्नुभयो ।

अनेसासका संस्थापक अध्यक्ष होमनाथ सुबेदी सँग प्रतिक्रिया माग्दा वहाँले भन्नुभयो "म अहिले आफै आफ्नै समस्याहरुसँग जुधिरहेको बेला छ । यसबारेमा म केही बोल्दिन । के भैरहेको छ तपाईंहरुलाई थाहै छ नि ।     

केन्द्रीय समितिको प्रेस बिज्ञप्ति जस्ताको तस्तै तल हेर्नुस :

"कुनै पनि संस्था आफैमा गलत हुँदैन तर संस्थामा नेत्रित्व गर्ने नेत्रित्वकर्ताहरु गलत भए भने संस्था बर्बाद हुन्छ भन्ने गतिलो उदाहरण गीता खत्री, पदम विश्वकर्माहरुले नेत्रित्वगर्न थाले पछिको अनेसास हेरे छर्लङ्ग हुन्छ" अनेसासका एकजना बोर्ड अफ ट्रस्टिज सदस्यको प्रतिक्रिया थियो ।

उनले भने - "साहित्यिक संस्था जस्तो पवित्र संस्था जब पालै पालो केन्द्र र बोर्ड अफ ट्रस्टिज यस्ता गलत मान्छेहरुले सँचालन गर्छन् त्यो संस्था बाँदरको हातमा नरिवल जस्तो नभए कस्तो होस त !"

 उनले भने "गीता खत्री र पदम विश्वकर्माहरु पहिला आठ दश बर्ष केन्द्रीय समितीमा बसेर केन्द्रलाई धरशायी बनाए, अब बोर्ड अफ ट्रस्टिज धरासायी बनाउँदैछन । केन्द्रीय कार्य समितिलाई नै अस्तित्व बिहिन बनाउँदैछन । अनेसास यिनिहरुकै कारण सिध्दिन लाग्यो । राम्रो मान्छे संस्थामा आउन र टिक्नै नसक्ने बनाए । उनिहरुको कदममा पर्दा पछाडि बसेर खेल खेल्ने खगेन्द्र लुइँटेल नै यस पटक पुरस्कार पाउने लिस्टमा पर्नु अझ लज्जाजनक कुरा भएको छ । केन्द्रीय कार्य समिति कार्यकारी अधिकार प्राप्त हुन्छ तर यहाँ केन्द्रीय समितिलाई रबर स्टाम्प बनाएर बोर्ड अफ ट्रस्टिज मार्फत संस्था ध्वस्त बनाउने काम भैरहेको छ, खोइ के भन्नु र !"

यस सम्बन्धमा प्रतिक्रिया लिन संपर्क गर्न खोज्दा बिबादित ब्यक्तिहरु गीता खत्री, पदम विश्वकर्मासँग संपर्क हुन सकेन ।