जानेमानेका अग्रज कलाकार, निर्माता, निर्देशक अशोक शर्मा नयाँ चलचित्र ‘रातो टिका निधारमा’ को निर्माण, निर्देशनमा जुटे

20190520

जानेमानेका अग्रज कलाकार, निर्माता, निर्देशक अशोक शर्मा नयाँ चलचित्र ‘रातो टिका निधारमा’ को निर्माण, निर्देशनमा जुटे

Image may contain: 8 people, including Ashok Sharma, people standing

नेपाली चलचित्र क्षेत्रका हस्ती, नेपालका जानेमानेका अग्रज कलाकार, निर्माता, निर्देशक अशोक शर्मा नयाँ चलचित्र ‘रातो टिका निधारमा’ को निर्माण, निर्देशनमा जुटेका छन ।

यस अघी उनले बनाएका धेरै चलचित्र सुपरहिट छन र नेपाली चलचित्र क्षेत्रमा उनको योगदान कहिलै नमेटिने मसीले लेखिसकिएको छ । उनको पछिल्लो चलचित्र जय भोलेको अत्यन्त राम्रो सफलतापछि आफ्नै लेखन, निर्देशनमा उनले यो चलचित्र बनाउन सुरु गरेका हुन् । आफ्नो चलचित्र अल्लारेको गीत रातो टिका निधारमा…हिट भएपछि सोही गीतबाट शर्माले यो चलचित्रको नाम जुराएका हुन् ।

Image may contain: 3 people, people smiling, text

यो चलचित्रको आईतबार राजधानीमा एक समारोहबीच निर्माण घोषणा गरियो । यो चलचित्रको १० जेठबाट झापादेखि छायाँकन सुरु हुने भएको छ । रातो टिका निधारमाको निर्मातामा किरण शर्मा र कृति शर्मा रहेका छन् ।

चलचित्रबाट आफ्नै छोरा अंतिक शर्मालाई उनले नायकको रुपमा डेब्यु गराएका छन् । चलचित्रमा अंकितसँगै साम्राज्ञी राज्यलक्ष्मी शाह, निता ढुँगाना, बुद्दि तामाङ, खुस्बु खड्का, राजाराम पौडेल, रविन्द्र झा, शिबहरि पौडेल, बसुन्धरा भुषाल, लक्ष्मी गिरी, जयनन्द लामा, अर्जुन श्रेष्ठसहितको कलाकारको मुख्य भूमिका योच चलचित्रमा रहने छ ।

अभिनेत्री साम्राज्ञी राज्यलक्ष्मी शाह नयाँ चलचित्र रातो टिका निधारमा नयाँ अभिनेता अंतिक शर्माको जोडी बनेर प्रस्ततु हुँदैछिन् । साम्राज्ञीसँगै फिल्ममा निता ढुगाना पनि अंकितकै जोडी बनेर रातो टिका निधारमामा प्रस्तुत हुँदैछिन् । यो चलचित्र आगामी दशैंमा रिलिज गरिने भएको छ ।

बरिष्ट संगीतकार शम्भुजित बास्कोटा, कल्याण सिंहको संगीत रहेको यो चलचित्रमा पुरुषोत्तम प्रधानको छायाँकन, मित्रदेव गुरुङको सम्पादन, बसन्त श्रेष्ठको नृत्य निर्देशन रहने छ ।
Image may contain: text