मान्छेको जात !

केही नगरी बस्यो भने, खत्तम भयो भन्छन यहाँ 
केही मात्र गरी बस्नुस, यो त गयो भन्छन यहाँ ! 
अलिकती मात्र गर्नुस्, नानाथरी भन्छन यहाँ  
अली बढी राम्रो गर्नुस्, इर्श्या डाहा कन्छन यहाँ !!

सुख छँदै छैन आमा, मान्छे भएर जिउन यहाँ 
झुटको जहर पिलाउँछन, पर्दैन नि पिउन यहाँ !
मान्छे मान्छे सँग जल्छन, आगो पनि चाहिन्न यहाँ  
जिब्रो नटोके सम्म त, गुणगान पनि गाइन्न यहाँ ! !

पशुपँक्षी बरु मिल्छन, मिल्दैनन नि मान्छे यहाँ 
पकाउनै नज्जानेले, बन्न खोज्छ भान्छे यहाँ  !
यस्तै रहेछ यहाँको चलन, बुझाउँछु चित्त यहाँ 
ढुङ्गै ढुङ्गा भरिएका, छन है पित्तैपित्त यहाँ !!

जिउँदै मर्छन मार्छन् मान्छे, छन है यस्तै यस्तै यहाँ 
मान्छे भएरै जन्मेपछी, छोडि जाउँर भन्नुस् कहाँ ??
ज्युँदो हुँदा खुट्टा तान्छन, मरे फुल चढाउंछन !
लाश जले पछी बल्ल,  गुणगान पढाउंछन ! !

- रामप्रसाद खनाल, फेब्रुअरी ०२, २०१९, अमेरिका