पछी उल्टा बात गर्छन् अघि साख्खै बन्न खोज्छन !

माया गर्‍यो विश्वाश गर्‍यो टाउको माथि टेक्न खोज्छन 
 जती गुन लाउनुस तर तपाईंलाई नै छेक्न खोज्छन !
औँलो दिनुस लाजै छैन डुडुँलो नै माग्न खोज्छन
आफ्नो स्वार्थ सिध्द गरि चोर बाटो भाग्न खोज्छन !
आदर सम्मान गर्दा खेरि दाशै जस्तो ठान्न खोज्छन
मौका पाए तपाईंका हात खुट्टा बान्न खोज्छन !
जती सद्दे बन्नुस तपाईं उल्टै गलत भन्न खोज्छन
पछी उल्टा बात गर्छन् अघि साख्खै बन्न खोज्छन !
थाहै नदिइ भित्र भित्रै पुर्ने खाडल खन्न खोज्छन
तपाईंलाई सबका अघि दोशी बनाइ गन्न खोज्छन !
- रामप्रसाद खनाल