भूकम्पबाट सात हजार ९१२ जनाको मृत्यु, घाइतेको सङ्ख्या १७ हजार ८७१, १० हजार ८०३ सरकारी घर तथा भवन पूर्ण रुपमा क्षति, सर्वसाधारणका दुई लाख ९७ हजार २६६ घर पूर्ण रुपमा क्षति भएका छन् भने दुई लाख ७७ हजार ५० घर आंशिक क्षति

वैशाख १२ गते गएको भूकम्पबाट सात हजार ९१२ जनाको मृत्यु भएको छ । गृह मन्त्रालयले आज बिहान ९ः५० बजे उपलब्ध गराएको विवरणअनुसार घाइतेको सङ्ख्या १७ हजार ८७१ पुगेको छ । यस अवधिमा १० हजार ८०३ सरकारी घर तथा भवन पूर्ण रुपमा क्षति भएका छन् भने १५ हजार ३४ घर तथा भवन आंशिक क्षति भएका छन् । सर्वसाधारणका दुई लाख ९७ हजार २६६ घर पूर्ण रुपमा क्षति भएका छन् भने दुई लाख ७७ हजार ५० घर आंशिक क्षति भएको जनाइएको छ । जनगणना २०६८ का अनुसार नेपालका ५४ लाख ७७ हजार २२४ घरधुरीमध्ये १०।९६ प्रतिशत घरमा क्षति भएका छन् ।