खबरदार, सत्ताका स्वोघोषित ठेकेदारहरु हो !

• खबरदार, सत्ताका स्वोघोषित ठेकेदारहरु हो !
• यँहा न शिब-पार्वती बस्ने हिमाल बिक्रीमा छन् ,
• न नै अष्ठ चिरन्जिबी गुप्त बसेका पहाडहरु,
• न सुन फुल्ने तरांइका फाँटहरु बिक्रीमा छन् ,
• न त जानकीको जन्म-माटो मधेश |
• मलाई मेरो एक चिम्टी माटो कसम,
• मलाई नालापानीमा बहेको गोर्खाली सहिदहरुको रगतको कसम,
• तिम्रा सम्झौताहरु;
• नेपाली संस्कृति मास्न खोज्ने सम्झौताहरु ,
•  नेपाली भेष-भुषा बदल्न खोज्ने सम्झौताहरु,
• नेपाली मन र धर्म किन्न  खोज्ने सम्झौताहरु ,
• पुर्खाले देखेको सन्ततिको “नेपाली-सपना” बेच्न खोज्ने सम्झौताहरु,
• नेपाली इतिहासलाई मेट्न खोज्ने  सम्झौताहरु,
• नेपाली राष्ट्रियतासंग खेलवाड गर्न खोज्ने सम्झौताहरु,
• तिम्रा सब सम्झौता र जालहरु;
• मेरो सिमाना भित्र गर या बाहिर बुन,
• पानी मुनि गर या पानी माथि गर
• परचक्रीसंग गर या देश भित्रकै अर्को द्रोहिसंग गर
• मध्य-रातमा रच या दिन-दहाडै गर
• अब उप्रान्त, म पवर्त भै,
• अब उप्रान्त, म पवर्त भै,
• तिम्रा हरेक राष्ट्रघाती पाइला-बीच आउनेछु 
• त्यतिबेला,
• मेरो निधारमा चन्द्र-सुर्यको कफन हुनेछ
• हातमा भीमसेन थापाको तलबार र अमर सिंहको ढाल हुनेछ
• मुला काटे झैं बैरी काट्न सिपालु वीर बलभद्रको खुकुरीको  निशाना, 
• केवल तिम्रा गर्दनहरुमा सोझिनेछ||
• खबरदार!
• मलाई एक्लो नठान्नु, निर्बल नठान्नु,
• इतिहास साक्षी छ,
• दुश्मनका हजारौं गोला-बारुदसंग लड्न- भिड्न
• नेपाली ढुंगा-मुढाहरु पनि हरदम तम्तयार रहन्छन
• पानी समेत नखाई दिनौ लड्न सक्ने तीनै वीर-विराङ्गनाहरुको त्येही अदम्य सहास
• आज पनि मेरो रगतको थोपा-थोपाहरुमा प्रशस्त संचार छन्
• तिमीहरु चुइंक्क त गर,
• तिमीहरु चुइंक्क त गर,
• सिङ्गै मेची-महाकाली रण-चण्डी भइ
• तिमी र तिम्रा ती सम्झौताका पानाहरु समेत तहस-नहस हुनेछन |
• त्येसैले म भन्दछु,
• •           सत्ताका स्वोघोषित नेपाली मुखुण्डो ओंढ़ेका ठेकेदारहरु हो,
• •           तिम्रा राष्ट्रघाती छल-छाम तिकडम बाजीहरु बन्द गर,
• •           तिम्रा ती राष्ट्रघाती ठेक्का-पट्टाहरुमा भोटे ताल्चा मार|
• •           तिम्रा ती राष्ट्रघाती ठेक्का-पट्टाहरुमा भोटे ताल्चा मार||

• हे,कैलाशका शिव-पार्वती,
• हे पहाडका अष्ठ चिरन्जीवी,
• हे मधेश कि सीता मैया !
• फेरी जन्म भए यिनको,
• नेपाली तनका साथमा नेपाली मन-मुटु पनि भरेर दिनु
•  त्येसो नमिले जताको मन-मुटु हो उतैको तन दिनु
• किनकि
• यो बुद्धको पनि देश हो,
• म चाहन्छु, ऋषि-मुनिहरुले रिचा पढेको यो देवस्थल,
• फेरी संग्रामभूमि नबनोस
• म चाहन्छु, यो पवित्र भूमिमा
•  अब उप्रान्त रगतको एक छिटा नपरोस
• म चाहन्छु, पुर्खाले प्राणको आहुति दिंदै देखेको "नेपाली-सपना"
• साकार बनोस
• म चाहन्छु, मेरो शालि नदीमा कन्चन गङ्गा पनि
• अटुट बगिरहोस
• त्येसैले म भन्दछु,
• सत्ताका स्वोघोषित नेपाली मुखुण्डो ओंढ़ेका ठेकेदारहरु हो,
• तिम्रा राष्ट्रघाती छल-छाम तिकडम बाजीहरु बन्द गर,
• तिम्रा ती राष्ट्रघाती ठेक्का-पट्टाहरुमा भोटे ताल्चा मार|
• तिम्रा ती राष्ट्रघाती ठेक्का-पट्टाहरुमा भोटे ताल्चा मार||
•                                                 -स. ज. क.