यहाँ
आयोजित उनको कृति मेघा कविता संग्रहको इ-बुक लोकार्पणका क्रममा चौधरीले
सोही संग्रहका केही कविताहरु पनि वाचन गरेर सहभागी नेपालीहरुलाई आफ्नो
सिर्जनाको रसास्वादन गराएका थिए | उनले मन्चमा उभिएर लगातार आफ्ना कविताहरु
वाचन गरिरहँदा सहभागी डिसी मेट्रो क्षेत्रका साहित्य अनुरागी नेपालीहरु
मन्त्रमुग्ध भएर उनका कविता श्रवण गरिरहेका थिए |
उनले
यसरी कविता वाचन गर्नु अघि एक भव्य समारोहका बीच कार्यक्रमका प्रमुख अतिथि
अमेरिकाका लागि नेपाली राजदूत डाक्टर शंकर शर्माले 'मेघा' को इ-बुक
संस्करणको लोकार्पण गरेका थिए | यसैगरी मेलोडी क्वीन वरिष्ठ गायिका मीरा
राणाले चौधरीको गीति एल्बम 'लभ फरएभर'को सिडी विमोचन गरेकी थिइन् | त्यसको
लगत्तै सोही सिडीका दुई गीतको म्युजिक भिडियोको वर्ल्ड प्रिमियर पनि गरिएको
थियो |
मेघाको इ-बुकको विश्व काव्य यात्राका क्रममा आयोजित
कार्यक्रममा सर्जक चौधरीको परिचय झल्कने एक भिडियो सामाग्री समेत प्रस्तुत
गरिएको थियो | यसैगरी कार्यक्रमलाई नयाँपन दिन र थप रोचकता प्रदान गर्न
नायक सरोज खनालले जीवन्त अभिनयसहित सर्जक चौधरीको 'मेघा' कृतिभित्रको कविता
वाचन गरेका थिए | अनुहारमा नेपाल र अमेरिकाको झण्डा पोतेर मन्चमा उत्रिएका
खनालले कवितालाई बढो जीवन्त ढंगले आफ्नो सशक्त अभिनय मार्फत प्रस्तुत
गरेका थिए |
बाल्टिमोरवासी नेपालीहरुको तर्फबाट चौधरीलाई गरेको
सम्मान प्रमुख अतिथि राजदूत डाक्टर शंकर शर्माले प्रदान गरे | सोही
अवसरमा मन्तव्य व्यक्त गर्दै राजदूत शर्माले सर्जक चौधरीको साहित्यिक
यात्राको पूर्ण सफलताको कामना गरेका थिए | वरिष्ठ आख्यानकार ध्रुबचन्द्र
गौतम समेत अतिथि रहनु भएको कार्यक्रममा लोकगायक एवं मह वाणिज्यदूत प्रेमराजा महतको सभापतित्वमा
भएको कार्यक्रममा बानाका विजय श्रेष्ठले स्वागत गरेका थिए भने गणेश मलेगो र लोकनाथ तिवारीले खादा एवं पुष्पगुच्छाद्वारा अतिथिहरुको
स्वागत गरेका थिए | सोही कार्यक्रममा सर्जक वसन्त चौधरीले सबैभन्दा लामो
समयसम्म टेलिभिजन कार्यक्रम गरेर गिनिज बुक अफ वर्ल्ड रेकर्डमा कीर्तिमान
कायम गरेका रबि लामिछानेलाई सम्मान पत्र प्रदान
गरेका थिए | धन्यवाद ज्ञापनका क्रममा कार्यक्रमका ह्वाइट
हिमाल टेलिभिजनका अध्यक्ष शान खड्काले चौधरीको कविता सुनिसकेपछि आफ्नो
मन्तव्यका क्रममा भने,चौधरीको कवितामा नि :स्वार्थ देशप्रेम र
नेपालीप्रतिको उच्च सम्मानको भावना रहेको आफुले पाएको बताए | कार्यक्रम
चौधरीसंगै विश्व काव्य यात्राका क्रममा अमेरिका आइपुगेका अर्का सर्जक,
सुमधुर आवाजका धनी चलचित्र निर्देशक राजेन्द्र शलभले संचालन गर्नुभएको थियो
| बाल्टिमोरपछि यो यात्राको अर्को शृंखला यही अगष्ट २४ तारिख टेक्सासको
डालसमा हुँदैछ |
तस्वीर सौजन्य: ग्लोबनेपाल डट कम
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक