माओवादी अध्यक्ष पुष्पकमल दाहालले लाजै पचाएर "शान्ति र संविधानको विरोधी काँग्रेस र एमाले भएको" आरोप लगाए

माओवादी अध्यक्ष पुष्पकमल दाहालले शान्ति र संविधानको विरोधी काँग्रेस र एमाले भएको आरोप लगाएका छन्‌। माओवादी शान्ति र संविधानप्रति प्रतिबद्ध रहे पनि काँग्रेस र एमालेका कारण संविधान लेखन कार्य ओझेलमा परेको उनको कथन थियो। पर्साको सूवर्णपुरमा आज सहिद स्मारकको अनावरण गर्दै अध्यक्ष दाहालले माओवादी शान्ति र संविधानका लागि अत्यन्तै लचिलो बनेको दाबी गर्दै संविधान जारी गर्नका लागि पनि माओवादीले नेतृत्वदायी भूमिका निर्वाह गर्ने जिकिर गरे। संविधानसभाको माग गर्ने माओवादी नयाँ संविधानको विरोधी हुनै नसक्ने जिकिर गर्दै उनले चितवनबाट आएर अस्थायीरुपमा सो क्षेत्रमा बसोवास गर्ने नागरिकको लागि लालपूर्जा दिलाउन पनि आफूले प्रयास गर्ने उल्लेख गरे।