बँगाली भ्रस्टाचारी ज्वाँई रुबेलकी महा भ्रस्टाचारी सासु सुजाताले भनिन " माओवादी अध्यक्ष पुष्पकमल दाहाल पनि भ्रष्टीकरणमा लागे"

नेपाली कांग्रेसकी केन्द्रीय सदस्य सुजाता कोइरालाले माओवादी अध्यक्ष पुष्पकमल दाहाल भ्रष्टीकरणमा लागेको आरोप लगाएकी छन्। पूर्व राजकुमार पारस जस्तो बेइमान र अन डेमोक्रेटीक व्यक्ति भएको संस्थामा बसेको घटनाले यसको पुष्टि भएको बताइन्। 'राजनीतिक दलको प्रमुखजस्तो व्यक्ति भएर प्रचण्ड विदेशी गैससमा पारस बसेकै पदमा बसेर काम गर्न थालेका छन्,' कोइरालाले भनिन्, 'यो घटनाले माओवादी पैसा कमाउने खेलमा लागेको पुष्टि हुन्छ।' नेपाल प्रेस युनियन म्याग्दीको पाचौं साधारण सभाको मंगलबार बेनीमा उद्‍घाटन गर्दै उनले माओवादीको कारण शान्ति र सविधान धरापमा परेको आरोपसमेत लगाइन्। 'माओवादी शान्ति चाहेका छैनन्,' उनले भनिन्, 'सहमति भएका विषयमा विवाद झिकेर संविधानमा गतिरोध सिर्जना गरेका छन्।' उनले सबै कम्युनिष्टहरु प्रजातन्त्र कमजोर बनाउने खेलमा लाएको टिप्पणीसमेत गरिन्।' प्रजातन्त्रलाई सुदृढ गर्ने कांग्रेसको जिम्मेवारी हो, 'उनले भनिन्,' अब कांग्रेस यसको संरक्षणमा जुट्नुपर्छ।'