मन्त्रिपरिषद विस्तारमा भइरहेको ढिलाईप्रति राष्ट्रपति डा. रामबरण यादवको चासो. माओवादी र एमालेबीच मनमुटावमा चिन्ता व्यक्त !

राष्ट्रपति डा. रामबरण यादवले मन्त्रिपरिषद विस्तारमा भइरहेको ढिलाईप्रति चासो राखेका छन्। सरकारको कामकारवाही तथा विस्तारको विषयमा सत्तासीन माओवादी र एमालेबीच भएको मनमुटावका विषयमा पनि उनले चिन्ता व्यक्त गरेका छन्। शीतलनिवासमा आज प्रधानमन्त्री झलनाथ खनालसँग भएको भेटमा राष्ट्रपति यादवले सरकारलाई छिटो पूर्णता दिएर संविधान लेखन र शान्ति प्रकृयालाई निष्कर्षमा पुर्याउन सुझाव दिएको बताइएको छ। जवाफमा खनालले सत्ता साझेदार दलहरुसँग छलफल जारी रहेकोले सरकारले छिट्टै पूर्णता पाउने बताएका थिए। सरकारको नियमित काम, शान्ति प्रकृया र संविधान लेखनका
विषयमा प्रधानमन्त्रीले राष्ट्रपतिलाई जानकारी गराएको प्रधानमन्त्रीका प्रेस सल्लाहकार सूर्य थापाले जानकारी दिए।