कुटाकुटमा उत्रिएका माओवादी पार्टीनिकट मजदुर संगठन विघटन

आन्तरिक विवाद साम्य पार्न बसेको माओवादीको स्थायी समितिको बैठक सकिएको छ । आजको स्थायी समितिको बैठकले आपसमा कुटाकुटमा उत्रिएका पार्टीनिकट मजदुर संगठन विघटन गरी राष्ट्रिय सम्मेलन आयोजक समिति गठन गर्ने निर्णय गरेको छ । बैठकले दाहाल, वैद्य र भट्टराई पक्षका तीनवटै समानान्तर मजदुर संगठन विघटन गर्ने निर्णय गरेको हो । अध्यक्ष दाहाल समर्थित शालिकराम जमकटेल, वैद्य पक्षका बद्री बजगाई तथा भट्टराई पक्षका लालध्वज नेम्वाङ नेतृत्वमा समानान्तर मजदुर संगठन चलेपछि कतिपय स्थानमा कुटाकुटसमेत भएको थियो । स्थायी समितिको आजको बैठकले राष्ट्रिय सम्मलेन आयोजक समिति गठनका लागि ३ वटै मजदुर नेतासँग छलफल गरिने पनि जनाएको छ । बैठकले सुनियोजित
रुपमा तराईमा बम विष्फोट गराइएको भन्दै त्यसको भत्स्रना गरेको छ ।